راقبي نصيحتك

السلام عليكم


بختصر
لاحظت اغلب المواضيع اللي فيها.. انصحوني ساعدوني ايش اسوي وغيره
الردود تكون عبارة عن .. تطلقي اطلعي من البيت لا تسوي كذا

ابغى افهم ليه سهل بالنسبة لكم تقولو ذي الكلمة وانتو عارفين التخبيب وعارفين عقوبته
اتمنى اتمنى من كل قلبي ان اي وحدة بتكتب كلمة تطلقي منه تراجع نفسها شويتين
الكلمة ذي سهلة تكتبيها بس نتيجتها عليك انتي اول


عن مراقبة الكلام..
عن رسول الله -صلى الله عليه وسلم- أنه قال:
((إِنَّ العبد ليتكلّم بالكلمة -مِنْ رضوان الله- لا يُلْقِي لها بالاً، يرفعه الله بها في الجنة, وإن العبد ليتكلم بالكلمة -من سَخَط الله- لا يُلْقِي لها بالاً، يهوي بها في جهنم))


وفي التخبيب..
ففي سنن أبي داود وغيره، عن أبي هريرة- رضي الله عنه- قال: قال رسول الله صلى الله عليه وسلم: ليس منا من خبب امرأة على زوجها، أو عبدا على سيده.


بالله انتبهو لنفسكم ولكلامكم

24 تعليق 3,534 مشاهدة

شاركي في النقاش

سجلي الدخول لإضافة تعليق.

التعليقات

21
  1. معك حق
    لازم ننتبه على كل كلمه تنقال
    ومهما عرضت علينا المشكله وطلبت صاحبتها حل
    نحط في بالنا ابعاد كثيره مانذكرت بالموضوع
    وان هذه المشكله انطرحت حسب ماتشوفها بنظرها العضوة نفسها
    يعني في طرف ثاني ناقص
    وممكن معلومات ناقصه تغير من مجريات القصه كلها


    فخلو حلولكم دائما وسطيه تميل للخير دائما
    وبتعدو عن الردود اللي تميل للتعصب لطرف معين
  2. @mash_27

    الطلاق الله شرعه لحالات معينه يعني الي زوجها بس يظرب ولا مو اي ضرب اهانات وذل وفوق ذا مايكون فيه حسنات معه لها ابدا هنا انا اييّد الطلاق وغير كذا كل شي يهون
    والاكيد كل وحده ادرى بنفسها وظروفها وممكن تشوف الاراء وتاخذ بس الي يناسبها وكل رأي يختلف على حسب شخصيه كل وحده طبعا ولو يجيها من النصح مليون ماحتسوي الا الي يناسبها اكيد ويناسب وضعها
  3. @bnt_nas_26

    وعليكم السلام ورحمة الله وبركاته
    الزوج المدمن واللي يضرب والحياه معه خطر على الزوجه والأطفال ذا مو تخبيب لكن اللي ينصحون بتحملي ويمكن يعالج ويمكن ويمكن أحتمال الزوج يقتلها واللي أنصحوها بالصبر عليه تحملو ذنبها أما اللي مشكال تحصل بكل بيت مشاكل عابره ترى أغلب الحريم يفضفضون ماراح يأخذون بنصايح اللي بالمنتدى ولا غيرهم
  4. @symo_a

    صاحبة الموضوع
    احلامي كثيرة
    معك حق لازم ننتبه على كل كلمه تنقال ومهما عرضت علينا المشكله وطلبت صاحبتها حل نحط في بالنا ابعاد كثيره مانذكرت بالموضوع وان هذه المشكله انطرحت حسب ماتشوفها بنظرها العضوة نفسها يعني في طرف ثاني ناقص وممكن معلومات ناقصه تغير من مجريات …
    صحيح
    جزاك الله خير

تابعي تجارب أخرى من هذا القسم.