السلام عليكم و رحمة الله و بركاته
عندي أخو مصاب بالتخلف العقلي الشديد الله يشفيه
و من الأوزان الثقيله وزنه فوق ال١٦٠ يعني مأساه ما ينفع له أي مكان ولا أي طياره ولا شي
و فوق هذا عنيد جدا جدا جدا جدا جدا ........
جدا جدا جدا جدا
يصرخ حتى لو قدامه ١٠٠٠ شخص ما ينحرج ولا يهتم .
أهلي يبون يسافرون اسبوعين يمشون لأن عمرهم ما تمشوا بسبب ضغوط الحياه معه . و ما في أحد يقعد عنده و احنا مسافرين ماحد يتحمله أساسا .
الخلاصه هي إن انا عندي اكتئاب شديد منه ولا أبي أسافر معاه ، و امي تقول حرام عليك ما قد سافرنا نتمشى ليش بتحرميننا و تحرمين نفسك .
أنا والله ودي أشوفهم مسافرين و مبسوطين بس ما
أتحمل هالأخو هذا ، و كرهت كلللل شي بالحياه بسببه
استغفر الله حتى بالموت قد دعيت على نفسي استغفر الله ، الله يسامحني
الزبده ان أنا ما أحس بطعم الدنيا ألحين و أخاف أسافر معاه و تنكسر نفسي ولا عاد أترقع عقبها ، يكفي اللي فيني ألحين ...
و أمي من جهه تقول لي انتي بتحرمينا من أول سفره نروح فيها ، انا ما انبسطت من يوم انكم صغار و ألحين بتضيعين السفره علي ،
وانا من الناحيه أعاني من مرض نفسي و حاليا أتعالج و ما أقدر أسافر معه و أتعب زياده .... و أمي حاسه فيها لكن إيش بيدي ؟ أخاف تزيد حالتي و هي مش مقدره مرضي النفسي .. و تهاوشني إذا قلت عندي مرض نفسي و ترفض إني اتشكى ، يجيها رفض للموضوع ما تبي تصدق ، مثل الإنكار للواقع
انا طاحت الدنيا من عيني ما أبي سفر و لا شي أبي الراحه بس
انصحوني وش أسوي ؟
شاركي في النقاش
سجلي الدخول لإضافة تعليق.
التعليقات
31- من ناحية اخوك ضروري تحاولين تسيطرين على نفسك معه وتغفرين له كثير بس وضعه الحرج جداً وتتذكرين ان هو محتاج لك ، اتخيل ان وضعه صعب بسبب مرضه ووزنه حاولو تعرضونه على طبيب نفسي بجانب علاجه ، اذا انتِ عارفه ان اذا رحتي بتتعبين ويمكن يصير شيء وتخرب حتى على اهلك ، فهمي امك انك ماتقدرين تروحين وان اذا احتكيتي لأخوك يمكن يصير شيء ويخرب عليكم قولي انك بتجلسين علشان موعد وان راح تكررينها قريب بعد ماتتحسن حالتك النفسية ، والله يسعدك ويشفي اخوك ❤️
- لاتروحين اجلسي .قولي اوسع عليكم
- استخيري اولا
وبعدين ان جلستي او سافرتي اخوك موجود بالحالتين
ويمكن لو سافرتوا تتغير نفسيته ويهدأ
والله يرزقكم خير هذي السفرة ويكفيكم شرها - قد سافرنا معاه للعلاج ما هدأ صار أسوأ و قام يصرخ علينا بالمطار و جو الشرطه مسكوه ولا حس الله وكيلك لو الجدار يستحي كان هو استحى من الله و خلقه
- ما يرضى انه يحل أي مشكله و لو نصحناه معناته دنا زوالنا بيقعد يصرخ لين الليل
الله يعين شاكره لك
مواضيع مشابهة
تابعي تجارب أخرى من هذا القسم.