دست على قلبي

الطلاق وفي حب موت موت موت ارجعي دامك مرتاحه له وادعي الله يرزقكم بالضنا مافي شي صعب عند ربنا. الله يفرج همك ويصبر قلبيك.

😭😭💔💔💔بكيتيني قسم بالله
الله يعوضك خير انتي وهو يارب ياكريم يارب ترجعون لبعض ويرزقكم ربي بالذريه الصالحه ياكررريم

شي صعب ليته شرير عشان تتركينه وانتي مرتاحه المشكله انك تحبينه .. عموماً انتي من حقك تصيرين أم ولو انتي ماتنجبين تتوقعين بيتزوج عليك والا يظل معك بدون اطفال .. استخيري وربي يرشدك للصح حبيبتي

صحيح وضعكم صعب حاليًا
لكن بالعقل قرارك صحيح
لو المشكلة منك بيقولون مايخالف الرجال بيعدد لكن انت ماقدامك فرصة الا الطلاق وزوج ثاني
انت ماغلطتي وهذا حقك وربي يعوضك ويعوضه بكل خير


وحدة من جماعتنا كذا استمرت فوق ال٥ سنوات والمشكلة من زوجها
طلبت الطلاق وربي رزقها غيره وجابت بنت الله يحفظها لها
وزوجها تزوج غيرها وحياته ماشية الحمدلله لكنه ماانجب الله يرزقه وكل من يتمنى ،،

طيب متأكده انك بتتزوجين ؟؟؟؟ ومتأكده انك اذا تزوجتي بتحملين على طول ؟؟ ومتأكده انك اذا حملتي وربي رزقك بذريه انهم يكونون سعاده لك وبارين بك والا عكس ذلك.....
انا متفهمه موقفك جدا ،، بس دام بينكم حب وسعاده وانسان داااااايم معاك كويس ليه تركتيه ؟؟ ليش انتي وهو مابذلتوا الاسباب من قيام الليل سوا والدعاء والاستغفار مافيه شي بعيد على الله ليش اعتمادك كان كله على العلاجات ونسيتي الامل بالله.. الله رزق زكريا عليه السلام من عدم يعني ماكان متوفر عنده ولا عند زوجته اي سبب للحمل خلاص هو شيخ كبير وأمرأته عجوزه...
لو كفلتي يتم وعشتي انتي وهو كسبتيها سعادتكم بالدنيا و بالآخره انتم جنب الرسول عليه السلام يعني ضمنتوا الجنه..
والله ياأختي اني اعرف واحد وزوجته من وانا طفله ربي مارزقهم بأطفال بس كانوا منسجمين مع بعض وعلاوة على ذلك ماعندهم اي وظيفه يعني متخيله مافيه ماده عندهم لكن سبحان الله ربي سخر لهم الناس حط محبتهم بقلوب الناس كل من يدخل بيتهم يحس بسعاده وراحه و كل من عرفهم حبهم لدرجة وربي يتخاصمون على خدمتهم استأجروا لهم بيت بحي راقي وجابوا لهم شغاله حتى الشغاله تموت تموت فيهم وعندهم جيران ماينادونهم إلا امي وابوي يموتون فيهم وربي لدرجة الجاره اذا بيجيها ضيوف تستقبلها ببيت الحرمة لانها كبرت بعمرها وماتقدر للدرج واكلهم وشربهم كله من عند جيرانهم يسوون لهم الشي بحب شغالتها جلست تقريبا عشر سنوات ماعمرها سافرت تقول مااسافر واخلي امي الين توفى الرجال وبعده بكم سنه توفت العجوزه ولو شفتي كيف عزاها من كل مكان يجون الناس يعزون والعزا كانوا بيسوونه عيال اخوانها بس رفضوا الجيران إلا ببيتهم ... والله ياحالتهم تقطع القلب يبكوون الأم وبناتها كأنها امهم وجلسوا فترة نفسياتهم تعبانه وفيهم حززززن.. حتى لدرجة تعبت العجوز بآخر ايامها وتنومت بالمستشفى وكانوا بنات الجيران هم اللي يتنوموا معاها و يحمموها و يمشطوا شعرها ويعطروها ... والله كانوا احسن من بعض البنات لأمهاتهم ربي مارزقهم ذرية بس عوضهم بمحبة الناس وسخر الناس لهم عاشوا حياة كريمه وهم ماعندهم اي دخل.... والشايب نفس الشي عيال اخوانه واخواته وعيال الجيران شايلينه على كفوف الراحه ويمشونه ماقصروا معاه الله يرحمهم


واعرف واحد عنده بنتين واعتقد ٤ اولاد طبعاً شايب والله والله والله مافيهم واحد منهم يبغاه تخيلي ماتت زوجته وتعب وخلوه ببيته لوحده حتى اكل مايرسلون له الين أخذوه عيال بنته طبعاً (( امهم اللي هي بنته ماكانت راضيه وقالت لأولادها انا ماني متحملته تتكفلون انتم فيه)) كان يبكي يقول مشتاق لعيالي نادوهم وللأسف يكلمون عياله ومايجون يزورون ابوهم تعب في آخر حياته دخلوه المستشفى طلبوا من عياله يرافقون معاه ورفضوا كلهم تعذروا ومات وهم مازاروه للأسف💔💔
اعتذر اذا فيه أخطاء اكتب وانا مستعجله..