اللي مرت بمثل تجربتي تساعدني ☹️

السلام عليكم اخواتي
عندي مشكله وياريت تساعدوني
قبل سنه تقريبا سافرت اسبوعين وتركت بنتي عند اهلي كان وقتها بعمر سنتين ونص وفقدتني واهلي يقولو تسأل وتدور البيت وتناديك ماما، حتى لما رجعت وأخذت بنتي شكلها خايفه حتى معالم وجهها مو مصدقه رجعت وشافتني
المهم الآن عمرها 3 سنين ونص من ذاك اليوم والبنت مو تاركني اطلع بدونها تخاف اتركها ومارجع
لما اكون عند اهلي ورحت المطبخ او اي مكان تحوس البيت بتشوفني وين!؟ وتبيني معها بجنبها، اي خطوه اخطيها تلحقني ماتتركني ولما تلعب مع الأطفال ترجع تطل علي رحت ولآ لا 😭
مدري وش الحل ماتوقعت بيصير كذا؟
كيف اقدر احل الموضوع واخليها تتجاوز هالسالفه؟! ولآ تخاف

8 تعليق 1,149 مشاهدة

شاركي في النقاش

سجلي الدخول لإضافة تعليق.

التعليقات

6
  1. @baby_face_8

    الله يعينك كذا راح تعذبك في الروضه .. الحل تخلينها تروح تنبسط بدونك مثلاً تخلينها تطلع مع اختك او اخوك مع الاطفال للملاهي وسوي نفسك تعبانه لا تروحين ولما تشوف اولاد اختك او اخوك متحمسين ورايحين تروح بدونك .. أمك أو أختك اذا رايحه مشوار خليها تروح معها خليها تتعود شوي بس ماتخلينها الا مع اهلك لأنهم ثقه .. وخليها تشوفك انك في البيت وترجع وتلاقيك قدامها شوي شوي روحي مشاوير وخليها عند أهلك مع الأطفال وشوفي تسأل عنك وتبكي أو لا
  2. صار معي تجربه نفس تجربتك تركت ولدي بعمر ٣ سنوات عند امي وحجيت وياقلبي عليه صار بعدها خواف ويكره بيت امي ومايطلع بس جالس جنبي الان عمره ٧ سنوات بصف ثاني ولازال يذكر اني تركته عند امي مره تعبني حتى يروح يلعب ويرجع يطل يشوف انا فيه ولا روحت
    بيت امي يدخله كأنن داخل قبر من الخوف
  3. @oughou_shms

    ولد اختي مثل بنتك بالضبط
    تركته وراحت للحج وصار مثل بنتك
    لايلعب مثل الاطفال ولا يتسلى ولا شي بس يراقبها ويدورها وين
    وهالسنة مفروض تدخله تمهيدي لان السنة الجاية مدرسة خلاص
    ومعذبها معاه مو راضي يروح بدونها ،، ومازالت اختي تحاااول فيه انه يتعود يداوم بدونها ,, الله يعينها ويعينك

تابعي تجارب أخرى من هذا القسم.