دست على قلبي

ترى ١١ سنة زواج يعني بعدها صغيرة
البنات يقولون لك بعد ١١ سنة توك تصحين
ولو كنتِ طلبتي الطلاق بعد زواجك بكم سنة بس بيقولون لك حراام عطيه فرصة كم سنة بعد ولاتستعجلين
حبيبتي قرارك صحيح ومانت غلطانة
عمر الانجاب للحرمة محدود وقرارك اتخذتيه بوقته المناسب لانك عطيتي زوجك وقت كافي وماظلمتيه
وجاء الوقت اللي لازم ماتظلمين نفسك بعد
والله المفروض اللي عندهم مشاكل بالانجاب مفروض هم اللي يعرضون الطلاق على زوجاتهم ويسهلون عليهم الموضوع ،،
ويتزوجون مطلقات او ارامل عندهم عيال ،،

الردود تجلط..
من انتو علشان تقولون ضامنه تتزوجين او ضامنه يجيك طفل!!


الله اكرم واعلم وان شاء الله بيرزقها الزوج الطيب والطفل السليم المعافى..


الله اكرم واعظم من تساؤلاتكم القاصره العاطفيه الغير عقلانيه..


طيب انتو تضمنو لها زوجها مايتزوج بعد فتره؟
او مايخون؟
او مايتفرقو بعد ماتنتهي فرصة انجابها؟
تضمنون هالشي ََولا فالحين فقط تحسسوها بالندم على خيارها وتشككون بعطايا رب العالمين؟؟


احساس الامومه مايعوضه اي رجل في الدنيا، اي حب وعشق ماهو بديل عن كلمة ماما..
وكثير اعرفهم انفصلو وتزوجو وخلفو والحمدالله العطاء بيد رب العالمين مو بيد البشر المشككين..


وصاحبة الموضوع انتي ادرى بحاجتك، وحب الاطفال غريزه في قلب الام لايمكن يعوضها اي شي..
صديقتي كذا انفصلت بسبب عقم زوجها والان عندها ولدين مثل الورد تبارك الرحمن..


وقرارك سليم وباين انه بعد تفكير وصراع نفسي كبير، اسأل الله ان يعوضك بالذريه الصالحه الباره وبالزوج الحنون الطيب..

معاك ..

حزنت ع كل كل كلمه كتبتيها...حبيبتي استخيري ..انتي بالعكس مو انانيه صبرتي ١١سنه...سعيتو وتعبتو..الله بيعوضك وبيعوضه ان شالله ..

وضعج محزن جدا وحتى هو وضعه محزن
ياختي إذا تطلقتي شو عرفج بتتزوجين، وإذا تزوجتي شو عرفج بترزقين ب أطفال
صحيح صعبه تقعدين بدون أطفال
لكن لو كنت ف وضعج بتبنالي طفلين رضيعين من الأيتام وارضعهم( فيه حبوب تدر الحليب لو مب مرضعه) وأعيش مع زوجي اللي صبرت عليه سنين طويله
صدقيني ياما ناس عيالهم من صلبهم بس وطوا روسهم بالتراب وناس تبنت وربي فرجها عليهم ويسرها لهم
وجهة نظري
ربي يوفقكم ويؤلف بينكم ويرزقكم