السلام عليكم ورحمة الله وبركاته
خواتي الغاليات..
جيتكم هنا بحكي لكم قصتي وابي منكم تشورون علي وتنصحوني وتعتبروني اخت لكم
انا متزوجة وعندي اربعه اطفال ولله الحمد والفضل والمنة. الله يحفظهم لي ويحفظ لكم احبابكم ويرزقكم اللي تتمنون
بعد طفلي الثالث استعملت مانع حمل وطولت عليه ثم لما تركته تإخرت ماحملت ويوم راجعت الاطباء قالو لي المخزون عندك ناقص مررة وتعالجت بالمنشطات ولا نفع وحملت بعد الله بسبب الحجامة لكن حملي ماجا الا بعد وقت طويل وضغط نفسي وتوتر فظيع. والحين انا عمري ٤٠ سنة وندمت مرة على استعمالي للمانع. محتارة هل احاول في الحمل من جديد او لا! خصوصا ان المخزون ينقص زيادة مع الوقت ويمكن احتاج اعمل انابيب عشان احمل ويمكن تنجح ويمكن لا.
ماتتخيلو الهم الي انا فيه. بتجيني وحدة تقول احمدي ربك عمدك اربعه غيرك يتمنى واحد اي نعم الحمدلله والشكر لله سبحانه لكن انا احس بالذنب وتأنيب الظمير لاني ضيعت على نفسي السنوات المناسبةللانجاب واشوف الي تزوجو معي معهم خمسة وستة اطفال الله يبارك لهم وفوق هذا فرق العمر بين طفلي الثالث والرابع كبير مرة عشان كذا ودي اجيب طفل عشان الصغير وفي نفس الوقت ماودي عشان التوتر والقلق الي يجيني مع المحاوله
ودي اتفرغ لعيالي واحسن تربيتهم واخاف اذا عجزت اندم اني ماحولت.
عطوني رايكم الله يوفقكم ولا ابي تعليق سلبي والله نفسيتي تعبانة
الله يرزقكم اضعاف ماتتمنون
شاركي في النقاش
سجلي الدخول لإضافة تعليق.
التعليقات
10- من رايي دام الأخير كان صعب ابدي حاولي من الحين والله يرزقك ...
- الله يرزقك مادام في خاطرك حاولي على طول لوًكان مكانك مااراح أخذ مانع بس ماراح أعالج لان عندي خير وبركة
- حاولي والله يرزقك
- اتركي المانع وخليها على الله متى ماجا الحمل جا الحمدلله عندك اربعه انسي الحمل وبتحملين مانصحك تسوين عمليه اطفال انابيب لانه نسبة نجاحها مع المخزون الضعيف ضعيفه جدا واحتمالية الفشل كبير انا اصغر منك بخمس سنوات ومخروني ضعيف سويت ثلاث عمليات حقن مجهري كلها فشلت ماتطلع بويضات كفايه او تكون فارغه ومثل مافي بعمرك عندها خمسه وسته في اللي بعمرك واصغر منك ماعندها ولا واحد العبره في بركة الذريه مش عددهم قد يكون واحد لكن بار بأمه وعن عشره وممكن يكونون عصبه لكنهم عاقين ربي يبارك لك في ذريتك ويرزقني ويرزق كل منتظره
- الله يبارك لك في عيالك لكن انا ماعندي عيالي لكن أمنتي أجيب أربعه كفايه نعمه لان الذريه مو بالعدد مسؤليه ومصاريف وعمر تقضينه مع عيالك وأمانه على عاتقنا لذلك ان حملتي وان ماحملتي كفايه اربعه صديقتي كانت وحيدة أمها تخيلي وتزوجت وجابت لها أحفاد ثلاث بنات ولد الله يبارك لها ويرزقنا ويرزق كل محروووم
مواضيع مشابهة
تابعي تجارب أخرى من هذا القسم.