🍃🌸🤰التجمع ((٣٩)) للحوامل الرابطات عنق الرحم 🤰🌸🍃

أذا ظروفك تسمح جيبي تخدمكم وتطبخ عنك وتنظف عشان ماتتحركي عالاقل لما تعدي مرحلة الخطر باذن الله الله يتمم لك على خير 🎀

آمين ياروحي ويتمم لك على خير وتجين تبشرينا بسلامتك وسلامة اللي ببطنك بس لي طلب عندك اذا ولدتي بالسلامه شيكي علينا من فتره لفتره احسك خبره ماشاء الله والتجمع بيكون ناقص بدونك >>> جاتني الصيحه😩

اذا بتكونين في بيتك الافضل شغاله للتنظيف والترتيب والغسيل والكوي وهالامور وبالنسبه للطبخ بعد اسبوعين من العمليه يمديك تسوين اشياء خفيفه وانتي جالسه على كرسي زي سندوتشات او شاهي او تحظير نواشف اما طبخات ثانيه تحتاج لشغل كثير ومواعين ماانصحك اذا فيه احد يسوي لك ويرسل لك او من المطاعم خلي السناكات او الوجبات الخفيفه من البيت لانها ماتاخذ وقت
بالنسبه لبعد العمليه اسألي دكتورتك او دكتورك عن كريم وقائي من الالتهابات انا كتبت لي دكتورتي كريم اسمه دلاسين بعد العمليه اخذه كل يوم لمده اسبوع وبعد الاسبوع قالت خذيه مرتين بالاسبوع فقط والحمد لله ماتجيني التهابات ولاافرازات غريبه توكلي على الله واهم شي اذا بيتك تطلعين له بدرج انتبهي ثم انتبهي تكثرين خروج الا للمستشفى اقل شي الشهر الاول بعد الربط انا دكتورتي حذرتني من الطلعات الكثيره مع ان الشقه بالدور الثاني وربي يتمم لك على خير

أم حسام بما انك على وجه ولاده ابغى اسألك عن القهوه العربيه في وحده خوفتني تقول تجيب طلق وانا الصدق ادمممممممان قهوه مااقدر مااشرب يصدع راسي اذا ماشربتها😂
وكمان ابغى اعرف وش الوضع بالنسبه للعلاقه لاني الشهر الجاي برجع بيتي ان شاء الله واكون داخله السابع فما اعرف هل هو عادي او لا دكتورتي اللي سوت لي الربط تقول المفروض العلاقه عادي تصير بعد الربط بأسبوعين لحد السابع وبعد السابع ممنوع عشان البيبي يثقل ويكون مستعد للولاده ولو صار فيه علاقه ممكن ينفتح الرحم وتصير ولاده مبكره ياليت لو تقولين لي كيف وضعك خصوصا انك ماتاخذين مثبت غير دوفاستون والحبوب معروفه ان مفعولها خفيف مقارنه بباقي المثبتات وجزيتي خيراااا

ام لولي صراحة انا للان ماقطعت القهوه مستمره بقهوتي الصباحيه كوب واحد فقط
بالنسبه للقهوه العربيه صعب تحسبي الكافيين فيها لذلك انتبهي واكتفي بفنجانين يوميا
ولاتنسي الشاي برضو كافيين
وماعتقد لها علاقه بالطلق الي اعرفه ان كثرة الكافيين تبطىء نمو البيبي وقد تسبب اجهاض في الاسابيع الاولى من الحمل
الي يجيب الطلق الله لايجيبه قبل التاسع هو الاناناس
وشاي ورق التوت كثير اجانب اذا قرب شهرها يعتمدونهم