💙💗تباشير 🔟 لاحلى مواليد سبتمبر واكتوبر 2018 💙💗

ههههههههههه

يااااارب اللهم أمين ❤️❤️

نفسسسك والله 😪

ياحبيلكم شكرا لكل اللي فقدوني وباركوا لي وحدة وحدة😍😍😍😍
الاكشن
انا قلت لكم ان هذاك الدكتور على كيفه يقول السكر مرتفع عيدي التحليل ولا عدته
قال ليش ماعدتيه 😤 قلت نسيت قال خلاص ابكتب لك تنويم وطلق صناعي لو انك سويتيه كان عطيتك فرصة
وصار كانه عقاب لي
المهم وقف متابعتي وخلاص حط بدالها موعد تنويم وسجل في ملفي مريضة سكر!!
المهم ماقتنعت بالطلق الصناعي قلت اذا جاء موعد التنويم بسوي سونار اتطمن اذا كل شي تمام سحبت عليه وسويت سونار في خاص قالت الموية ناقصة افضل الطلق الصناعي
توكلت على الله ورحت للموعد وكانت بنتي معي على اننا رايحين موعد بس وعلمتها اني لا خلاص ابنام في المستشفى وهم بيرحعون و العبرة خانقتني
ودخلنا المستشفى وخذتني الممرضة للغرفة اللي يدخلونها بالرقم السري قالت بس انتي يجي انتم ارجعوا لزوحي وبنتي وتقولي ماما عادي ادخل معك 😔😔ماقدرت اكلمها ولا اطالعها عطيتها ظهري ودخلنا وانا ماسكة دمعتي وودتني لغرفة و عطوني اللبس سميت ولبست وانا خااايفة مدري عن ذا الطلق وافكر في عيالي وخصوصا بنتي متعلقة فيني بقووه
كانت الساعة سبع مغرب الاحد ولبست وخذوا تحاليل وانتظر وانتظر قالو مافيه الا طبيبه بس وعندها حالات اذا خلصت بتجي
أسوأ شي الانتظار العادي عاد وشلون انتظار الالم
وكنت قايمة من الفجر مع عيالي للمدارس ولا نمت ابد
وطولت وانا انتظر لحد الساعة وحدة الليل جت الممرضة قالت انتي يبي نوم نوم دكتور ممكن تاخير وعجزت انام وانتظر لحد ماجت الساعة ست الصباح وكملت يوم كامل بدون نوم
وجت الدكتورة قالت يله ابحط لك التحميلة وماندري متى يبدأ مفعولها تختلف الاجسام في الاستجابه لها واذا زاد الالم بعطيك مسكن وحطتها
وراحت
قالت الممرضة اذا في دم او مويه او الم قوي سوي جرس
وجلست امشي في الغرفة وقلت ماراح ارن الجرس الا اذا وصل الالم حده علبالي زي الطلق الطبيعي
وبدا الا شوي وصار زي النار في ظهري ويضرب ضرب واقول ابتصبر شوي كنت مسويه فاهمه وذكيه بدل ما كل شوي يجون و يعذبوني بالفحص واستحمل الم فضييع واقول اكيد 2سانتي واحسب كم بين طلقة وطلقة واقول شوي لكن ماقدرت وبسرعة وصل الألم حد لا يطاق واضغط الجرس ولحد جاء وكان المفروض اضغط الجرس من يوم بديت احس بآلام عشان يركبون جهاز التخطيط والنبض
وجت الممرضة قلت لها عطيني مسكن وانا اتلوى معد اقدر اتنفس من قوة الالم قالت لا اول لازم شوف تخطيط بعدين الدكتور يقرر يعطيك مسكن او لا مو وقته واقولها الم قوي بس ماصدقت تحسبني ابالغ يوم اشتغل الجهاز كان يوصل ثمانين قلت عطيني المسكن قالت لا ماما لازم شوف تخطيط كم مرة الم وتشغله وتروح صرت اصارخ وتجي بسرعة وتشوف قالت اوووه الم كبير شوي دكتورة يجي وانا معد اقدر استحمل احس اني ابنجن قالت خل اشوف كم مفتوح اذا اربعة وديتك غرفة الولادة لين تجي الدكتورة واصيح عطيني مسكن قالت انا مايقدر بس دكتور هو اللي يقول وتقيس قالت 😨 اوه ماشاء الله 6 سانتي وتنادي الممرضات يله ننقلها وينادون الدكتورة وانا خلاص الم لا يطاق ابي مسكككككن وجت الدكتورة بس صار رجال 😥😥😥قلت بكيفه اي شي قلت ابي مسككن قال قربت الولادة المسكن تاخذينه في مرحلة قبل اما الحين مايصلح نعطيك بعطيك بس كمام تحسفت على التصبر واتحمل الم و هو لو اني متكلمة من اول كان عطوني مسكن وخف الالم حتى الكمام سكن شوي بس الا احس بالدفع وخذوا الكمام مني واسحبه منها ماصدقت شي يخفف قالت لا ما في كويس خلاص دفي 😭😭حتى الكمام ماستفدت منه الا دقايق جاء وقت الدفع الا انا خالصة من الالم اللي جاني ومن عدم النوم لي يوم ونص مانمت
وادفع بكل قوتي ويقولون ماسويتي شي وكلما ما جاء دفع أدفع وادفع ولا شي يقولون دفعك ضعيف وانا جايبه كل قوتي في الدفع لدرجة اني اقول شكله نهايتي قيصري وكلما جت دفعة تحطمت بعدين شجعت نفسي كل هالتعب والتحمل وفي الاخير ما اقدر ادفع واجمع قوتي قالوا يلا يلا هذا شعره بان وتروح الدفعة لكن تحمست يوم قالوا هذا شعره وبعدها كم دفعة وطلعت العروسة وانتهت رحلة وهن على وهن والحمد لله على فضله وإحسانه واهم شي لا تنسون الدعاء بالحاح واليقين بالإجابة
عقبال الباقين بالولادة السهلة يارب
بنتي جاها صفار وخلونا كم يوم في المستشفى ياعمري عليها حفروا يديها ورجليها بالتحليل صبح ومساء
الحين اللي ذابحني الم ظهري احس العمود الفقري كله متفكك وكل جهه اقلب عليها اعوذ بالله مدري من الصناعي والا من الحمل والولادة قلت للدكتورة قالت ابعطيك مسكن

ربي يسهل امورك ويتمم لك على خير