الانفصال ولا المشاكل ؟؟؟

انتي واضح انك متعلقه بزوجك جدا
ولما تزوج تعلقتي فيه اكثر وماحد لايمك ماحد حاس بالنار اللي فداخلك
بس صدقيني فتره وتعدي لانك فبدايه الموضوع
انتي مو قادره تشيلينه من راسك وتعيشين حياتك وتفلينها فمابالك بالانفصال ؟! راح ترجعين تترجينه يرجعك
اذا فعلا قادره انفصلي عنه روحيا وانتي فبيتك
عيشي لله ثم لنفسك واولادك
حاولي جاهدي نفسك راح تفشلين مره ومرتين بس بالاخير بتنتصرين
حاسه بشعورك 💔💔💔

الله يفرج همك ويصلح حالك ويهدي زوجك يارب

طيب عندي لك اقتراح جربيه منتي خسرانه شي ..
كثفي اهتمامك بنفسك وانشغلي فيها من إبر نضاره لقصه جديده لملابس جديده ستايل جديد وسويله طمس من حياتك نفسك وعيالك انشغلي فيهم وروحي زياراتك ...لمده ٣ شهور تقريبا اذا رجع ف خلي له جزء من حياتك واذا مارجع انتي مو بحاجته عندك اللي شاغلكً

الله يفرج همك ويصلح احوالكم ويألف بين قلوبكم ياااارب ،، استخيري وفكري بجدية واكتبي إيجابيات وسلبيات البقاء والطلاق وبعدها قرري والله يكتب لك ولعيالك مافيه الخير

تكون مع المشاكل النفسيه صفر الانفصال فتره مؤقته يكون الوضع مظطرب وبعد كذا الكل يتاقلم ويبدا يحس بالحياه الحقيقه اللي بدون مشاكل باذن الله مافي اجمل من الراحه النفسيه واحيانا مانوصل لهذه المرحله الا بعد خساير ولكنها تكون خساره وبعدها مكسب وهو الاستقرار