شاركي في النقاش

سجلي الدخول لإضافة تعليق.

التعليقات

2,474
  1. @alfdh

    بنات سلام عليكم بغيت اسالكم..حد ربى في الأمريكي؟؟
    ابغي اعرف كيف معاملتهم؟؟؟ و كيف النيرسات ؟؟؟ و شو اسعار الولادة في غرف ال vip????
    وعن الدكتوره ليلى سداح إذا زينه ولا لا وهل تولد في الأمريكي ووين مكانها
    جزاكم الله الف خير...وسامحوني طولت عليكم...
  2. الصراحة هذا ثاني حمل لي.. و في حملي الاول كان كل همي كيف أخلي الولادة و قعدتي بالمستشفى و أول 6 شهور يمرون بالراحات.. كنت أعمل جدول حق 3 شنط: شنطة اليد و تحتوي على الاغراض اللي بستخدمها حق الطلق و الولادة - شنطة البيبي -و شنطة الملابس و الاغراض اللي بحتاجها في ال4 ايام اللي بقعدهم بالمستشفى.. أخلص كل المشتريات قبل الاسبوع 36 و اجهز الشنط واحطهم فوق الخزانة مالت الثياب.. وأول ما احس بالولادة آخذ معاي شنطة اليد.. و بعدين أخلي زوجي يجيب لي الشنطتين الباقيات.. تعرفون اني سويت Shower List و هي لسته تحتوي على الاغراض اللي انا احتاجها للبيبي و احطها عند المحل مثل Mother Care و يروحون صديقاتي و اهلي و يشترون الاغراض اللي انا احتاجها.. بهذا الشي كنت أضمن اني ما بلقى أغراض مكررة او ما احتاجها.. و هم كانوا يرتاحون من اللف و تدوير الهدية المناسبة.. و هذي المرة بعد بسوي نفس الشي.. اما بالنسبة للأغراض و اسماء المواقع فبطرش حق كل وحدة سألتني.. و مشكورين على التشجيع..

تابعي تجارب أخرى من هذا القسم.