مرحبا بنات..
اشحالكم... :)
بنات مشكلتي بسيطه بس واايد مضايقتني..
اتخيلوا يا بنات ابوي يقول عني مغروره ومافي خير.. وها كله لسبب سخيف...
اتخيلوا انا ادرس وبزي عندي امتحانات ودراسه ودوامي طويل ارد البيت المغرب.. فلما ارد اكون تعبانه وما يلي نفس اسوي شي.. اخواني واايد اتكالين ويبون الشي بالجاهز.. اونه يبوني اقرأ الكتاب كامل واشرحه، ويبوني احللهم واجباتهم وبروجكتاتهم... طبعا انا ارفض اسوي هالشي لانه مافي وقت ومب معقوله اللي يشرحه المدرس فسنه كامله انا اشرحه فساعه ولا ثنتين... فاقولهم ادرسوا واللي ما تفهموه انا بشرحه.. ابوي عصب ليش انا انانيه.. وما ابا حد يكون شاطر غيري:( مع اني والله استانس اذا اخواني يابوا درجات عاليه واحس بالفخر :(
احيانا افكر واقول يمكن هو يقول هالكلام لاني قبل لم كنت فالمدرسه كنت وااايد اهتم فابوي.. اول ما اشوفه ايبله الفواله واساله اذا يبا شي.. الحين ارد متأخره فاحط الفواله وعلى طول امسك كتبي وواجباتي.. يعني ما عندي وقت.. بس احاول قد ما اقدر اخدمه..
فالبيت ما اقدر اقول لا.. انا عودتهم من صغرري اي شي يبونه اسويه لهم ولو على حساب مصلحتي.. بس الحين ما اقدر.. احيانا يقوموني من عز نومي او من دراستي عسب ايب لهم الاكل او اسوي لهم شي.. مع انه خواتي يكونوا موجودات وفاضيات.. بس الكل يسألني..
اذا ضاع شي فالبيت انا السبب.. اذا نسوا شي انا السبب.. اذا حد من خواني ياب درجات مب حلوه انا السبب.. ما اعرف شو اسوي عسب ارضي ابوي واهلي..
والله الحين عندي بروجكت بس ما عتدي وقت اشتغل فبروجكت اخوي.. لانهم زعلوا لما مارضيت اني اسويه... فاتحملت بس صدق انقهرت لما سمعت انه ابوي يقول عني مغرورة جدام الكل.. ادموعي نزلت غصب عني
فشو الحل برايكم؟؟؟
شاركي في النقاش
سجلي الدخول لإضافة تعليق.
التعليقات
6- اذا ضاع شي فالبيت انا السبب.. اذا نسوا شي انا السبب..
نفس الحاله - ليه ماتجلسين مع ابوك وتصارحينه .. وتقولين له اول كنتي فاضيه وحولهم .. الحين انتي الوضع معك تغير وصرتي تدوامين داوم طويل ومتعب وتحتاجين لراحه ..عشان تقدرين تكملين اللي عليك ..
واذا ماقدرتي مع ابوك .. مع اخواتك واخوك .. وقولي لهم انا ماقول بشيل يدي مره وحده بس ساعدوني عشان نقدر نوفي كل شي ولا نقصر .. ماينفع كل شي علي .. اول غير عن الحين .. ولازم تراعون هالشي ..وحسسيهم انك تفخرين بدرجاتهم الحلوه وتتمنين لهم الخير ولازم يتمنون لك الخير مو يخلونك تسوين كل شي على حساب مصلحتك ..
وان شالله قدرت افيدك ..
موفقه:26: - والله نفس الحالة :09: الله يكون بعونك يالغالية
انا مثل حالتك يعني مقدر افيدك والله احس اني
انتهيت وطاقتي خلصت من كثر مايعتمدون علي
لدرجة اني صرت احس نفسي راعية البيت وولية
الأمر بس كل شيء بأجره ان شاء الله .. الحين
شلون بيمشون اهلي من دوني .. نصيحة بقولهالك
يالغالية : من الحين حاولي تعلمينهم المسئولية
ووزعيها عليهم بكرة لا جاك نصيبك ورحتي ان شاء الله
والله ان يفشلونك عند الرجال مغير يدقون ويتعشمون
تساعدينهم وانت بتصيرين مشغولة ساعتها ووقتك صار
مو ملكك .. الله يفرجها علينا وعليك .. انا احاول الحين
اعودهم على المسئولية وربك كريم:09: - حبيبتي وين الوالدة؟؟
- هلا روااان..
تصدقين مراات استانس انه الكل يعتمد علي يحسسوني اني مهمه وما يقدرون يستغنون عني.. بس لما اكون مشغوله اكره نفسي :)
هلا مريومه*_*..
يلست مع ابوي وكلمته.. بس هو دوم يقولي.. كيف تخرجت من المدرسه اذا كنت ما تعرفي هالاشياء.. انت بس اللي تظاهري بالنسيان.. انا اعرفه هو ما يقتنع الا باللي فباله :(
هلا رهوفة..
حاولت كذا مره اخليهم يتحملون المسؤوليه بس ما اقدر اكثر.. ما احب حد يقولي انت تعرفي بس تذلينا.. ترا هم يتحروني عالمه فكل شي، وما في شي ما اعرفه:( .. فاي شي يبونه يحطون فبالهم اني بسويه اوكي.. اونه انا ذكيه واقدر ادبر عمري
اذا نجحت فاللي تسويه خبريني طريقتج.. بحاول اسويها.. مع اني ما احب اقول لا حج احد :22:
وموفقه ان شاء الله..
هلا مثايل95
امي موجود.. بس ما تحب تدخل بينا.. لانها لما ادافع عني يقولون لها طبعا انت واايد تحبيها فاكيد بدافعين عنها.. مع اني اكثر وحده انهزب متها على البيت ونظافته.. مع انه عندنا بشكارتين.. :30:
امي واايد طيبه ومسالمه.. وتحس انه الامر عاادي.. مع اني صرت واايد اضايق لما ابوي يقولي هالكلام.. لاني مب متعوده حد يقوي جيه..
بس انا اعرف انه هايي غلطتي وانا عودتهم اني اخدمهم :(
مواضيع مشابهة
تابعي تجارب أخرى من هذا القسم.