هذي شنطه المستشفى طبعا توني ماحطيت فيها شي ولاني حاطه لين ادخل التاسع على خير عاد صورة المنديل عشان يبين الحجمالمحتويات ان شاء الله؛
لبسه لي مع بنطلون اخاف يكون برد حيل ولفه لراسي واذاني
فوط لي شاحني المتنقل بصير اشحنر فل الفتره الجايه للظروف الطارئه
مشط وشباصه اخاف شباصتي تختفي في ظروف غامضه اثناء الولاده ماعمري ولدت وخلصت وشعري مهو شمس شارقه ومضيعه البكله يارب انها تهجد شوشتي هالمره يارب 🤪🤪
ممكن اخذ كوبين ورق وداخلهم ظرفين كبتشينو وظرفين سكر لاني مدمنه قهوه واتوقع بصدع فا على حسب الاكشن اذا هو رايق او لا مدري اذا نسيت شي مستلزمات نظافه مستحيل اتحمم بالمستشفى وقتها بولد بالمربعانيه وبرد ومكيفات وان طلعت بيكون برد فا اتحمم ببيتي ادفى لي مع انهم يجبروني لكن ببدل واطلع
للبيبي لبسه وحده كامله مع بطانيه صوف هذي للخروج لكن اول مااولده هم يلبسونه وحفاظات وباخذ لهايه (مصاصه) ورضاعه احتياط لانهم يجيبونه عندي وانا اهتم فيه اذا طبيعي واخاف صدري ماينزل منه حليب على طول وابتلش وبسس