🍃🌸🤰التجمع ((٣٩)) للحوامل الرابطات عنق الرحم 🤰🌸🍃

سبحان الله ربي كلّه عوض، وفعلًا أنا ولدت على الأسبوع ١٨ ولادة مُبكرة وجدًا تضايقت
ودعيت ربي الخيرة والعوض، وبعد ثلاث شهور حملت، وموعد ولادتي -إن شاء الله- نفس شهر ولادتي المبكرة .

الله يتمم لنا على خير ونشوف أطفالنا سليمين مُعافين .

يعطيك العافية يا عُمري 💛💛 .

مساء الخير خواتي
الله يسعدك تهاني الحمدلله سويتها الصباح ويادوب توني اصحصح من البنج معاي دم ومعاي الم غريب بالرحم توه يجيني مو تقلصات ورافضين يعطوني مسكنات يقولون كفاية اللي خذيتيه وقت العملية يخافون ياثر على الجنين
الجنين للان ماسوا سونار لي فما اعرف حالته بس يااارب يكون بخير وبعافية
جنسه مابان رغم اني بالاسبوع ١٤
والغريب اني صحيت وفيني كدمة تحت عيني صغيرة وغامقة مادري انا طقيت نفسي بالغلط بعد البنج لاني صحيت من البنج وانا ابكي شكل بنجهم ثقيل اول مره تصير معاي وقعدت ابكي من الظهر العصر بديت اصحصح الحمدلله وهم يقولون طبيعي تاثير البنج يسبب بكاء واول ما صحيت مرره كنت مثلجة شغلوا لي دفاية غريبة مثل شفاط المكنسة وحطوها جنبي مع بطانتين واشوا بديت ادفى ولا طولت وشالتها تقول مو زينة للجنين الحرارة


يارب لا يضيع لنا تعب ولا يخسر


حبيبت اسالكم بنات من خلال خبرتكم واطلاعكم عالموضوع قليل جدا اللي تكمل التاسع ونادر اللي تعوشر وهي رابطة صح ؟
يعني غالبية الرابطات تولد بداية التاسع او نصه صح ؟

الحمد لله على سلامتك ياقلبي واللي يصير لك طبيعي انا زيك بعد فقت من البنج جلست ابكي واون احس كأن فيني حراره ومرهقه مررره بس بعد البنج الحمد لله صرت احسن بالنسبه للالم اللي بالرحم برضه طبيعي بعد الربط تحسين كأن فيه شي مشدود جوا بس كلها بتروح بإذن الله احرررررصي على نفسك بعد تطلعين من المستشفى اقل شي شهر لين يستقر وضعك بعد الربط بعدين سوي اشياء بسيطه بمساعده احد وقبل تطلعين من المستشفى اسأليهم عن المثبتات والفيتامينات وكمان كريم وقايه عشان مايجيك التهابات بعد الربط وربي ييسر لك وللجميع ويقر عيوننا بشوفة اطفالنا بصحه وعافيه

أم حسام طمنني عليك❤️