أعطوني رأيكم محتاجته مره احس أني مخنوقه😭😭

الله يعينك ،،،!
باين تبغيه ومحتاره بين قلبك وعقلك ..
صدقيني كلام الاخوات صحيح
وواقعي
وعقلاني
.
.
اطلبي من الوالد يحل الوضع
يتصل عليه
او يرسله رساله يعزمه ع فنجان قهوه
او يقوله انه عرف انه له رغبه برجوعك ومايبي خراب البيت لاانه مو سهل
وبكذا بيطلع ابوك هو الكبير العاقل ،، وهو الصغير الغلطان !
واذا هو رجال بيقدر موقف ابوك هذا وبيحطك بعيونه

هذا هو الحل جابته الاخت جزاها الله خير

لازم نعرف السبب عشان نحكم لك هو بشكل عام م يصلح وعيب منه بس ممكن في اسباب وامور مانعرفها فصعب نحكم واقول لك راي

لا يا أموله ماتفقد ثقه أهلها
اساسا ان كان فيه واحد حكيم من اهلها بيمشي الموضوع مبدأياً مايزنون على خراب بيتها وهم عارفين انها السبب في استفزازه .. وبعدين يتفاهموا مع زوجها... لا امها ولا ابوها ولا أخوانها خسرانين قد الشعره من طلاقها محد فكر بالبنات .... الحياه يبغى لها شوية تنازلات وقليل من الحكمه والعقل..

خذيها درس لك طول عمره
هو جاب الاسره يحسبك بتفرحين ويلاقي كلمه طيبه منك للأسف ماعجبتك وسويتي مشكله قالك اطلعي وماطلعتي وقتها هو متحسف في نفسه انه خسر نفسه في الاسره وماعجبتك (( حتى لو كاااااابر قدامك)) وزدتيه انتي بالمعانده

لكن لو قلتي الله يعطيك العافيه بس مو مناسبه الغرفه او الألوان وانتظرتي يمر على الموضوع يوم وكلمتيه برواقه الأكيد بيتجاوب معااااك بأسلوب افضل من كذا

تعلمي التجاهل لبعض الامور و التغاضي واذا عصب الرجال طنشيه لا تردين عليه بعد مايهدأ بيندم ويجيك يعتذر..