خطبوني ٢ محتارةالحكيمات يساعدوني

تبين الحق
والله ولا واحد يستاهل انك تاخذينه
اصبري ويجيك الزين ان شاء الله
نصيحة ابعدي عن المطلق ابو عيال
ماراح ترتاحين في بيتك حتى لو عند امهم
بكرا بيجون عندك في بيتك كل شوي ويغثونك
لان امهم بتقعد تحرض فيهم من تحت لتحت
والحضري كمان ابعدي عنه مايستاهلك
بارات ومقاطع اهله وبخل..

طيب الاول وش رايك فيه انا كتبت كلشي عنه بصراحه والحب يكفي او مايكفي ان الوحده توافق

البارات حلف انه تركهن واهله ياما نصحته يرجع يكلمهم ويرفض يقول انهم ظلموه ومستحيل يرجع يكلمهم واخوانه الباقين علاقته زينه معهم ويحبهم

الثاني بعد الاستخاره

الحب مايكفي ابعدي عن الشر وغني له
بخيل وحق بارات وسفرات
هو الان متعلق فيك ويبغاك لكن اذا تزوجك وتطمن انك معاه ترجع حليمه لعادتها القديمه هو الان متمسك فيك ويعطيك وعود وحلف لانه ماطالك وهم كذا الرجال يلاحق في الحرمه لين ينالها وتصير بعدين عاديه عنده
تذكرت موضوع لوحده هنا بالقسم تشتكي من زوجها انه كان يحاول في اهله يخطبها لانه يحبها ومايبغى غيرها وخطبها اكثر من مره وتحدى الصعاب ومايبغى غيرها ولما وافقو وتزوجها الان تشتكي من عينه الزايغه وتغزله في الحريم ولااهتم لمشاعرها ولاحبها
اما المطلق الان يقولك زوجته عايفته لكن اذا تزوج بيحلى في عينها وبتسوي المستحيل حتى ترجع له وهو كذلك بيحن ويشتاق ويرجعها

العمر قدامك والفرص ان شاء الله تكون افضل من واحد بخيل منحرف اومطلق بعذر مايدخل المخ وعنده منها اطفال