❤️ تباشير 1️⃣3️⃣ لأحلى مواليد سبتمبر واكتوبر ❤️2018❤️

صباح الخيرات ع الحلوات 🌚💫




انااااا اليوم صارلي اكشن 😂 كنت رايحه موعدي واليوم الي قبله ما اكلت اسبرين خلاص كنت موقفته ولقو ضغطي مرتفع انا اوريدي من قمت راسي مصدع وضغطي مرتفع وقمت اكثر ماي وتصبرت لين موعدي المهم شافته كذا قالت ولاده يلا 😭 اسمعها تتكلم بلانجليزي تحسبني ما افهم قلتلها شفيكم ؟ قالت بنراقب وضعك فوق وهي سمعتها تقول بندخلها غرفه الولاده خلاص انتي شايفه وضعها وقامت تكلم فوق ويقولون لها مافي اسره طبعا كل هالكلام تسولف تحسبني ما افهم بعدين قالت خلاص يلا بيودونكً وعطتني اسوي تحاليل دم رحت سويتها واسمع بغرفه الممرضات رئيستهم تكلم وتقول اسمي عرفتو وضعي من قالت اصلا ولاده جتني دوخه احس الدنيا تدور واحاول اروق احاول عشان ما اصيح 🤕..


المهم وودوني وحطوني مراقبه بلغرف العاديه وركبولي تخطيط وكان كل شوي يختفي النبض لان بسم الله عليه البيبي هذا وقته بلحركه وكنت توني ماكله ويتروعون وكل شوي يغيرون مكان الجهاز بعدين قالت الدكتوره غيرو الجهاز وغيروه وضبط النبض كان جهازهم ضعيف ..


المهم والحمدلله صدق قعدت اربع ساعات بس استقر ضغطي وقالت ارجعي نتابعك ولو يرتفع علطول تجينا. عاد انا كنت طول الوقت ادعي يارررب ينزل يارب واقرا قران عشان ارجع البيت ارتب وضعي مره بيتي مكركب حتى لو احد يجي بيساعدني بينحاس معاي ☹️..


عاد اللحين قمت من النوم باخذ طاقه شوي بعدين برتب دعواتكم لي ان ضغطي يكون مستقر ما ابي اولد اللحين 😭

ام ترف : حبيبتي الله يسر لك وبالنسبه للحجم ابدا ابدا لا تشيلي همه صدقيني راح يكون اصغر من السونار
ولاتشربي زيت الخروع واذا جاء موعدك لازم تروحين
وصلي اخر الليل وادعي ربك وريحي نفسك وشيلي التوتر والقلق منك وبإذن ربي يسرها لك


ايس تي : حبيبتي الله يطمنك ماعندي خلفيه
أم السلاطين : الف الف مبرووك والحممد الله على سلامتك 💐
كب كيك : حبيبتي الله يحفظ لك عيالك وربي يفرج همك ويسر امورك
بكره أجمل : اللي في بنتك تجي لبناتي نهايه الظهر بس مو وحمه زي الرضه كذا لونها اخضر على اسود تقريبا فوق القعر 🙊
كنت اشوفها على عمر اكبر تقريبا بعمر الاربع والخمس شهور
وفي بكري حتى مستشفى وديتها خفت تكون من كثر الجلسه لان كنت اجلسها بحضني كثير
ام زياد : جربي اعطيه رضعه يانسون

بنات قبل اقرى كلامكم بالله ايش الفرق بين اليانسون والشمر والكراويه؟؟
دخيلكم بسرعه

ههههههه تدليلين عيني

الحمدلله على سلامتك ياقلبي ..
اخذتي برووفه للولاده الله يهون عليك
ويجعل الضغط برد وسلام عليك وعلى جنينك كما جعل النار برداً وسلاماً على ابراهيم ..

صباح النشاط وألهمه والانجاز ..
حوقلي وصلي على الرسول صلِّ الله عليه وسلم
تحصلي بركه وانجاز بإذن الله ...