أم زوجي بتسافر معنا 💔

السلام عليكم
الموضوع مثل ماهو بالعنوان
اخوات زوجي كل ما شافو زوجي قالو امنا تبغا تسافر برا
ونفسها تسافر وتحب السفر ويحشون مخه حشششي
لو انه محشي ماكان حشوة بذمة وضمير كذا 🙂
المشكلة عنده اخوان كثير ويسافرون برا بس ما قدرو الا على زوجي
او بالأحرى زوجي يقدر علي لاني طيبة 😡
وسلفاتي كل سنه بدولة ولسانها هذا طولة على خوات زوجي يخافون منهم ويهابونهم
وانا حاشمة عمري محد يدوس لي على طرف لكن مااغلط على احد
انا الحين مقهورة ماابغاها تسافر معانا عندها عيال ما تزوجوا تقدر تسافر معهم
بس نكادة لحريم العيال
وادري امهم ما درت عن السفر بس الغيررررة ذبحتهم
هم من حينهم غيارين وشلون اذا راحت امهم معنا ورجعنا وعلمتهم وش شريت وين رحت وين جيت اخاف يشنون حملة شرسة علي 😂
اللي تقول اكسبي اجر وكذا ابغا ارد عليها من الان ماابغا اكسب اجر من هذا الباب اللي من وراه كل شر وشرير واعرف راح اتعب
انا وانا بعيدة ما سلمت وشلون اذا عرفو حياتي والله يطلعون فيني قرون
وش السواة ياأخوات ابغا حلول كل وحدة تحط نفسها مكاني
ماابغاهم يتعودون وكل ما سافرت بينشبون لي اذا لقو طريق ما يقصرون 😞
مو بس كذا اذا مشت خطتهم بكل شي بيتدخلون خوات زوجي اعرفهم
ابغا طريقة اقنع فيها زوجي ونسافر لحالنا بدون مشاكل
ارجوووووكم 😕