البحث عن السحر المدفون بعد الرؤيا .....قصتي الحقيقيه

نكمل

في انتظارك

اين انت ايتها الروائية
النوم يداعب اجفاننا وروايتك لم تكتمل 🤔

اين انتِ يانننننور

تابع ( 6 )
بعد التعارف والسلام ..طلبت منها ادخل البيت اشوفه
مشتاقه له ولكل زاويه فيه ..
قالت ..اخوي ساكن فيه ولا يجلس كثير ..شبه مهجور
الان هو مسافر وبيرجع اليله....
يعني الوقت ضيق لازم افاتحها في الموضوع...
قلت ما اقدر اشوف البيت حتى يرجع اخوك ..
قالت عندي نسخ من المفتاح ....وحتى لو مالقيناه مهي مشكله اي احد من اولادكم يطب ويفتح الباب ...
طيب اخوك مايزعل اذا دخلنا بيته في غيابه ...
قالت لا هو سامح لي ادخل البيت في اي وقت
واتفقد احاوله ..راحت تدور المفتاح ..
والشوق يلهث بي.. يكاد ان يتفجر من قلبي..
اصبحت الدقائق ساعات ..جات بعد انتظار تبشرني لقت المفتاح ...فتحت لنا الباب..لقيت نفسي اندفع وادخل بدون استئذان ..
حسيته انه مازال بيتنا وابوي وامي واخواني واخواتي داخل البيت ..استشعر بقلبي مكان جلوسهم واسمع اصواتهم ..
اخواني الصغار يلعبون بدراجه في حوش البيت ..
وامي تصرخ خلاص لعد تلعبون مهو زين وقت المغرب سمو برحمان ...ترا بجي اخذه منكم واحرمكم
واختى الكبرا في المطبخ تغسل صحون وقدور الحديد ..ترميها فوق بعضها بعصبيه ..وامي تناديها بصوت عالي خلاص كسرتي مواعينا ....
واختى الوسطى مستلقيه على بطنها تحل واجبتها المدرسيه ..
وامي جالسه في غرفتها تجدل شعرها وهي شاردة الذهن ثم تنقضه ثم تعود تجدله وهكذا ...
واخواني مستلقين على ظهورهم وامامهم التفزيون يتابعون مباراة الكوره القدم ..
وابي يجلس مع صديق العمر في مجلس الرجال اسمع صوت ضحكات ابي العاليه ..واصوات حديثهم
وانا الان ادخل الي البيت خلسه.. اخاف من غضب ابي وتحقيق امي واستشعر الم قبصتها ( قرصتها ) المؤلمه وزراق واحمرار فخذي بت لا اقدر ان امشي ..
جهزت الجواب قبل السؤال ...
كنت بعيده عنكم بجسدي.. اسكن في مدينه اخرى
حبست جسدي ولم تقدر على حبس روحي فهيا معكم تتنقل داخل ارجاء هذ البيت ..
تشرب وتاكل من حنانكم وعذب حديثكم...
وتنزعج من خصامكم ومشاكلكم
ولكن لا تستطيع ان تنفك عنكم
.دخلت البيت وعيوني تريد ان تأكل كل شي .
.نعم هذا هو بيتنا كما اعرفه بكل مافيه ...
قبلت احد جدرانه خلسه..نفس ابواب الحديد ..
نفس مكان الشجره في منتصف حوش
نفس افياش الكهرب والتمديدات الخارجيه ..
نفس مكان دينمو المويه في زاوية الحوش ...
كل ماشبكناه على الكهرب لازم يلشطنا بكم شوط كهرب .ولا تقدر نمسك صنابير وتمديدات المويه الا بعد مانطفي الدينمو . ..
قالت لي فعلاً كان يكهربنا كل ماشغلناه...
ومن زمان اشترينا جديد ..
شفت غرفة امي تغيرت وصار مكانها مطبخ ..
المكان صغير كيف كنت اشوفه كبير ..
نفس المستودع الصغير في مكان ضيق ننزل اليه درجتين ..هو نفس المكان الذي كنت جالسه فيه ومرضت لاول مره في حياتي مرض نفسي على خوف على فزع ولم اجد له سبب او علاج حتى شفيت منه بعد شهور بدون سبب
.نفس الحوش اللي كنا نفرش فيه العصريه مع اخواتي وامي ونتقهوى فيه وننبطح على بطوننا نذاكر ونحل واجباتنا... وفي رمضان نجتمع ونفطر فيه ونضع التلفزيون على المركا ( التكايه )
وبعد الافطار نتابع برامج رمضان وفوازير رمضان
لصغار وللكبار....ومسلسل (الابريق المكسور ) ...
انا اللي اكل الذهب اكال هم ..عرفتوه .😄
وغيرها من برامج رمضان ..وبعد ان نصلي التراويح
في البيت نخرج لنتسامر عند الجيران
ليش الحوش صار صغير ؟؟ كنت اشوفه كبير وواسع
هل لاني كنت صغيره ونظري محدود...
ام لاني سكنت في بيت واسع كبير وتبين الفرق..
ام لاني كبرت واصبحت نظرتي واسعه
يتبع