الجزء ( 8) والاخير
بعد تردد وتفكير قلت لبنت صاحب المنزل ..
بكلمك في موضوع ان ساعدتني جزاك الله خير
وان رفضتي من حقك ويكفي سمحتي لي ادخل البيت
في غياب اخوك واشوف ذكرياتنا فيه ..
قالت ابشري اذا قدرت عليه ..
قلت ..من يوم بعنا بيتنا وسكنا في مدينه ثانيه
وانا احلم في هذا البيت ..اشوف نفسي رجعة وسكنت فيه واحس بشوق له ..
ومره حلمت حلم غريب ان في دورة المياه سحر مدفون تكرر لي ثلاث مرات
تعجبت لما ذكرتي ان دورة المياه مهجوره ولا يستخدها احد ..سألت معبرين قالو اذا قدرتي روحي واحفر في نفس المكان واذا ماقدرتي يكفي الرقيه ..
تركت الموضوع ثلاث سنوات ماقدرت اسافر
ولاحلام مستمره معي ...اخيرا قررت اسافر واشوف الامر بنفسي ...سكتت وجلسة تفكر
قالت بشاور زوجي اذا وافق ابشري ...طلعت من عندي وراحت تشاور زوجها ..كنت احس بخوف ورجفه داخليه ولكن قلبي مطمئن ..
رجعت وهي مبتسمه ..ابشرك زوجي وافق وابيك تستعجلين قبل يجي اخوي من السفر كلمني وهو الان في الطريق ولا نبيه يعرف شي ..
من غير شعوري وقفت وحبيت راسها ..الحمدلله
كل اللي كنت خايفه منه تسهل امره ...
دخل زوجها علينا وسلم وسال عن الوالد والاهل ..
قال بيننا عشرت عمر من يوم كنتم صغار
لا تشيلين هم اعتبري البيت بيتكم وسوي اللي تبينه
واي مساعده انا حاضر ...الله يكون معك
لا تخافين الرؤيا ماتكذب
دمعة عيوني من الفرحه ومن رحمة الله بي
وتسخير خلقه لي ..باقي اجيب عامل يكسر في نفس المكان ..طلبت من سواق التكسي يجيب لي عامل وكيس اسمنت وبطحا حتى نرجع دورة المياه مثل ماكانت..
كما سخر الله لي اهل البيت ..سخر لي صاحب التكسي راح وجاب المطلوب ودفعت له حسابه واكرمته...
العامل دخل لدورة المياه وطلبت منه يحفر في نفس المكان....قال ..حتعملي ايه ..قلت احفر وخلاص...
قال ..بسال اذا كان عاوزه تمددي ماصوره او تعملي تصريف للميه انصحك بس...قلت يا ادمي احفر ولا تسال قلبي من الخوف والقلق بيطلع من محله وانتي تفكر في الماصوره...
بدء يحفر وانا رحت وجلست في حوش البيت
مع بنت صاحب البيت ومع اولادنا...كانو يتسالون ليش طلبتي منه يحفر ...قلت لهم الحقيقه ووعدتهم بتمشيه تسر قلوبهم ....جلست معهم وانا اسمع صوت ضرب
الفاروع على الارض الاسمنتيه... من البناء القديم سميكه وقويه ...استمر ساعه يضرب ويتناوب مع صديقه كل ماتعب ...حتى وصل الي لتراب ولاولاد واقفين يشاهدون المنظر ..اول ماشافو التراب نادوني تعالي شوفي وصل للتراب ...
قلت له احفر ..وجلس يحفر ويخرج التراب وانا اشاهده
يارب تخرج ماتحت الارض ان كان فيه سحر يضرنا
قاطع افكاري العامل وقال..يامدام احفر لأمتا ..
انتي او ليلي عاوزه ايه بزبط وانا حسعدك ..
قل مافيه شي ..احفر حوالي المكان ..وطلع التراب كله برا .قال والله حفرت نصف قسمي دخل قوا ..
وصلنا لصبت النظافه ..وش صبت النظافه ..قال اللي يصبوها قبل يعملو اي عماره
وبتكون سميكه مره يقي نصف متر ..طيب وش الحل
قال عوزاني اكسر صبت النظافه ..قلت كسرها
قال.. ماينفعش عاوز لها دقاق كبير( الحفاره اللي تكسر الازفلت)
لازم نجيبه من برا ..فكرت وسكت
.تكلم زوجها و قال مافيه مشكله خليهم يجيبون الدقاق من برا ويكسرون صبت النظافه ..مارح يحصل شي كلها متر ..طيب جيب الدقاق .
.قال لازم نستاجره من محل مخصص وان شاء الله مايكون قفل ..عمل اتصالاته
وراح يجيب الدقاق..ساعة انتظار قاتله ..وصلو الاثنتي حاملين الدقاق على كتوفهم ...
بسم الله بدو يحفرون ...نصف ساعه متواصله من الحفر
..ناداني خلاص كسرنا صبت النظافه وطلعناها برا
ووصلنا للتراب بصي التراب طري وريحة حلوه باين تحت شجرة المسواك ..
وصلو لشجره المسواك ولا وصلو للسحر يالهوي وياخراشي 😄
رجع يقول ..بس لو تؤليلي عوزه ايه ..قلت اسمع الصراحه الموضوع كذا وكذا ..قال أه متؤلي كذا من الاول
حصل لنا نفس الموضوع كتير مش اول مره نحفر عشان نفس الموضوع لو عاوزه احفر مترين تحت
ولا يهمك ..قلت خلاص يكفي كذا.. انت وصلت للمسواك لما تحفر مترين حتوصل للنفط
كان معي مويه مقروء عليها وكبيتها في الحفر وقلت رجعو كل شي مثل الاول...
بنت صاحب المنزل وزوجها قالو لاتحزنين ربي ما ساقك عندنا الا في الامر خير
اكرمة صاحبة المنزل على وقفتها معاي ورفضة واصريت عليها ...واكرمة العمال
ودعتهم ودعو لي ولاهلي بتوفيق والشفاء على امل ان اعود مره اخرى وازور منزلنا القديم او اشتريه منهم ...مازال عندي امل
لم احزن لعدم وجود السحر
لاني اعلم ان في الامر خير
وكل اموري تسهلت والكل وقف معي ..
هل الامر صدفه ..لا بل هو تسخير من رب العالمين
بعد السؤال عرفت ان هناك سحر خفي وهو من اخطار
انواع السحر ..ربما السحر في دورة المياه ولا نراه
تخفيه الشياطين ..او موجود في السيفون او المجاري
او في اي زاويه اخرى
احلامي كانت رؤيا واضحه وصادقه عبرها اكثر من معبر على وجود السحر والله اعلم
ولم اراها الا بعد رقيه مطوله
كسبت معرفتهم ..وشفت بيتنا القديم وصورته للذكريات
وشفت بيوت جيراننا القداما واخذت ارقامهم
وعرفة اخبارهم ..
رجعنا لسكن ..أه من التعب ومن الضغط النفسي الشديد
استلقيت على السرير ونمت نوم عميق بعد عناء التعب
كل ماحصل مثل الحلم ..
وفي اليوم الثالث اخذت اوللادنا في رحلة سياحيه
طول مدة سفرنا وكانت فرحتهم لا توصف ...
جاء موعد السفر وعدت الي مدينتي بجسدي
وتركت روحي هناك ...احتضنت امي وابوي
وجميع اهلي..حسيت اني ولدت من جديده ..
وعدت لحياتي الروتنيه
بعدها لم احلم في بيتنا القديم ابدا
وبعد شهور انخطبت وتزوجت بفضل الله ...انتهى
الخلاصه
1_ كل امر ابن ادم خير :
إِنْ أَصَابَتْهُ سَرَّاءُ شَكَرَ فَكَانَ خَيْراً لَهُ، وَإِنْ أَصَابَتْهُ ضَرَّاءُ صَبَرَ فَكَانَ خيْراً لَهُ
2_ نصيحه لا تتركون الاذكار ابدا وارقو انفسكم بأنفسكم
3_ ربي يكون مع المؤمن الذي يسعى ويتعب لا تجلسون
في اماكنكم وتقولون ربي ماوفقنا
4_ رحمة الله واسعه فلا تيأسو ابدا
البحث عن السحر المدفون بعد الرؤيا .....قصتي الحقيقيه
متابعة النقاش، صفحة 24