البحث عن السحر المدفون بعد الرؤيا .....قصتي الحقيقيه

ويمكن. يكون عند باب الحارة... اقول يمكن

تابع ( 5 ) دقت باب الشارع وقلبي يخفق مع كل دقه ... كنت بسلم على اهل البيت واعرفهم بنفسي للاطمنان وان هذا البيت كان لابوي وباعه من زمان وانا جيت من السفر اتمشى وقلت بلمره اشوف بيتنا القديم وذكرياتنا فيه ..كل هذا الكلام يدور في عقلي طولت عند الباب ولا فتحو...والا اسمع اي صوت من داخل البيت.. رحت للباب الاخر في الشارع المجاور .. ودقت الباب وطولت ولافتحو ..عدت للباب الاول مازلت مصره....دقيت شباك الحديد واضح ان البيت مهجور من التراب المتراكم عليه وقفت من بعيد افكر اين اذهب ومن اسأل .. اصبح وقوفي وحوماني حول البيت شبهه .. ويبعث التسائلات ..والاكيد ان الجيران يتفرجون علي من داخل بيوتهم ويتسائلون... كان وقت صلاة المغرب ..بدء الرجال يخرجون من بيوتهم لصلاة المغرب..وعملو مسح كامل عن السياره الواقفه وصاحب السياره.. ومن كان فيها ..باقي تنشر ويعمم عليها...مجهولين يحومون حول بيت جارنا .. وقف رجل كبير في السن وسألني ..قلت انا جاره لهم قديماً جيت ازورهم واسلم عليهم.. .قال البيت فاضي مافيه احد وعطاني موجز مفصل عن اهل البيت ..عليه ورثه متضاربين ومشاكلهم كثير ولا احد يدخل بينهم والشرطه قد حضرو يفكون المضاربات بينهم ... قلت ليش مايبعونه ويتقاسمون الورث ..قال كم مره يعلقون عليه لوحه للبيع ويتراجعون... والرجال اللي ساكن فيه متزوج حرمتين ومتضاربين مع بعض وكل وحده في بيت ..ولا يجلسون في هذا البيت كثير..مانشوفهم الا قليل.. يتركونه بالشهور واصحاب هذا البيت اشتروه من راعيه من سنوات وبيتهم بجنب هذا البيت ..تعالي مع اوريك بيتهم .. مشيت معه ..قال هذا البيت واشر عليه بس دقي الجرس اللي فوق ...تحت مافيه احد ... هذا الموجز وهو طاير بيروح للصلاه في المسجد اجل لو ماكان وقت الصلاه شكله بيعلمني وش كانو ياكلون ويشترون ومتى ينامون .. 😄😄 راح وقال اذا بتنتظرين برجع لك قلت خلاص كفيت ووفيت ..الشيبان مالهم طب الله يخليهم لنا اي معلومات خذوها منهم لا تحتارون ولا تدورون... اهم شي مايصير الشايب زعلان عليك ادهن سيره ويعطيك الاول والتالي.. صاحب التكس قال بنزلكم واروح شكل الموضوع مطول ..قلت اصبر مالك الا ادبل لك الحساب .. تنزلنا هنا وين القا سياره ترجعنا للسكن... تردد كثير ..كيف ادق الجرس على اصاحب البيت وهو نفس بيت العجوز اللي اذتنا وأذت امي زمان .. طلعو اشترو البيت من الشخص اللي باعه ابوي البيت صرت ادور في الشارع اروح واجي وارجع للسياره اوقف افكر وادعي واطلب الله الخيره .. اخر شي قلت ...ماتعنيت وجيت بعد 30سنه واتراجع دقيت جرسهم ..وردت علي حرمه .. قلت جيرانكم ...نزلت وفتحت الباب ودخلتني سلمت عليها....قلت البيت اللي جنبكم لكم. .قالت نعم...ابوي اشتراه من فوق عشرين سنه .... قلت هو للبيع ...ابي اشتريه . .قالت لا ذكريات ابوي الله يرحمه ولا اقدر افرط فيه . كنا عارضينه للبيع عشان الورثه ..اخواني من ابوي وتراجعنا ..كل واحد يبي يطلع الثاني من البيت ويعطيه نصيبه وياخذ البيت... تنهدت بالم وغصه البيت ذكريات ابوي قبلكم وهو اللي بناه واشرف عليه بنفسه ..قالت من انتي شكلك تعرفين البيت..كنت اطالعك من الشباك وانتي تحومين حول البيت . قلت في نفسي لازم اعلمها عشان يكون بيننا ثقه .. واقدر ادخل البيت اشوفه ..ويمكن اقدر اقول حلمي لها وتساعدني ..قلت لها انا فلانه بنت فلان بنت صاحب هذا البيت ..ماتوقعت انها بتتذكرني على طول .. .قالت اعرفكم انا زوجت ولد العجوز صاحبة هذا البيت اللي اسكن فيه... وبيت ابوك اشتراه ابوي لنا واخوي يسكن فيه .. قلت في نفسي البلاء في العجوز .. طيب وين راحت العجوز قالت سكنت مدينه ثانيه مع بناتها وتوفيت من سنوات طويله سكن قلبي قليل .. بعد ماتعرفت علي ضمتني وسلمت علي بحراره .. قلت الحمدلله بوادر طيبه تفتح لي مجال في الكلام واخبرها سبب حضوري بعد هذي السنوات الطويله يتبع

ليت والله المصري مسوي بك سوات ابو جهل ودفنك وريحنا ههه كان مسوي خير

وش هالكلام وش هالاسلوب سؤال هل بينك وبين نور ثار حبيبتي فيه شئ اسمه احترام رقئ

روئي لكان عم بتمزح معاها