تجمع 113 للمقبلات على الحقن المجهري وأطفال الأنابيب

بما انك نبهتي الدكتور وأصر على الجرعه ونوع الابر خلاص توكلي على الله بس كلي أناناس كثير يساعد على التنشيط

انا احترم الدكتور اللي يصر على رائيه لاني عادة انا احدد نوع الابر والجرعه وتخيلي احدد متى اوقف
مع زينب ابو طالب رحت لها وأعطتني منيبور وسكت لاني مو خبره بالأنابيب. وكلفتني الابر حول الاربعه الألف وبالنهايه طلعت لي بويضه وحده وتكنسلت العمليه وكانت تبغاني اعمل تلقيح صناعي وانا رفضت
وبعد شهرين جيتها وكانت بتعطيني جونال اف ( وهي اقوى نوع ابر ). بس انا رفضت واصريت ااخذ منيجون وبعد سبع ايام جيت كانت مو فيه الدكتور ه. ودخلت على توفيق جعفر وماعطاني وجه لاني مو مريضته وقلي كملي كمان ثلاث ايام انا قلت له لا خلها اربع ايام. وقال طيب
وبعدها كملت مع زينب. يعني الحاصل دام انك نبهتي الطبيب وأصر خلاص وكلي امرك لله

انا اول تجربه كانت ١٥٠ جونال وطلع معاي ٨ بويضات
ثاني تجربه مينابور ٣٠٠ طلعت بويضة وحده بس لا تصلح للتلقيح💔
ثالث تجربه جونال اف ٣٠٠ + مينابور ٢ بودره وطولت فيه بويضات تكبر مره ولااستفيد اخذت منشط ١٤ يوم وسحبو ٥ بويضات وهذي المره الوحيده اللي رجعت بس ماكتب لي ربي

كلفتني الإبر اخر عمليه ١٢ الف غير الكشفيات😣 الله يعوضنا خير

الابر فقط. ١٢ الف مررررره كثير

يعني منيبور. مو كويسه
الدكتوره تقول جونال اف. ومريونال هي احسن ابر

بس حسب ما قريت فيه ابر تحتوي على اف اس اتش. و ال اتش
وفيه ابر فقط اف اس اتش
وطبعا الاولى ما تصلح للي عندهم تكييس لان عندهم ال إتش اساسا مرتفع

طبعا مافي دكتوره قالت لي ذا الكلام انا جالسه اقرا وابحث.

يا قلبي أسأل الله ان يعوضك خير ويرزقك الرضا بالقضاء والقدر لانه أعظم منزلة من الصبر صدقيني والخير كله في الرضا ف اذا رضيتي باللي الله كتبه لك ف هو اكييد بيرضيك و مستحيل ينساك او يضيق بك.
الرسول صل الله عليه و سلم قال : لا يقضي الله للمؤمن من قضاء إلا كان خيراً له، إن أصابته سرَّاءُ شكر وكان خيراً له، وإن أصابته ضرَّاءُ صبر وكان خيراً له، وليس ذلك إلا للمؤمن .