أعطوني رأيكم محتاجته مره احس أني مخنوقه😭😭

ابسالك انتي يوم خذتيه من مواضيعك اللي قبل تقولين فيه صرع قوي والا خفيف
واللي اذكره انهم يجون عطوفين رحومين لان بنت اخت زوجي خذت واحد نفس الحاله تقول يبكي قدامي ويترجاني ارجع له بس هو كان عنده قوي الله يشفيه وحسبي الله على اهله اللي ماطلقو البنيه لها سنه معلقه ماخلوها تشوف نصيبها

هو طيب مرررره وانا معه لاكن يوم رحت من عنده اللحين أنقلب واحد ثاني

طيب حبيبتي... عندي اقتراح وماعرف إذا بيكون يناسبك أو لا..
.
اللي فهمته انك تمدحييينه وتبغينه وتتمنين الرجعة له... واهلك اللي يتصلون عليه شارين خاطرك وودهم برجعتك بس من غير طلبه الغريب...
.
اقتراحي إذا تشوفين انه يناسبك هالشي انتي تقررينه لأن لا أنا ولا غيري في المنتدى يعرف زوجك من هو كثرك..
.
إذا تبينه ومحتاره وشاريته وشاريك... فاجئيه بروحتك عنده البيت انتي والبنات من بعد أذن اهلك طبعاً ورضاهم... وخليه اهلك معززين مكرمين في بيتهم... وبعد ماترجعين له بإذن الله ( اللي فهمته منك ماراح يعاندك بطبعه) ويطيح الحطب خليه يجيه بهدية لأهلك ويطيب خاطر ابوك...
.
اتمنى اكون فدتك بشي ومثل ماقلت لك انتي اللي تشوفين اللي يناسبك... الله يكتب لك الخير

وكلمة اخيرة مثل مايقولون إذا تفكرين ترجعين له لازم تحطين نقطةفي بالك... اللي فهمته من كلامك زوجك بس يعصب يستهل الكلام... فلازم تختارين كلامك معاه ولمن يعصب ماتراددينه( زوجك ماينفع معاه حتى التفاهم وقت العصبية ابد)... تاخذينه بالكلام وتفهمين كيف تطلبين منه وتعبرين عن رايك باسلوب مناسب... والله يعينك حبيبتي... انشغل بالي عليك... طمنينا

يا اختي الله يهديك
وين طيب وكل مافتحي فمك طلق وقد ضربك
وقد سبوك اهله بوجود اهلك
والله مألوم اهلك يوم زعلوا

زوجك قليل ادب وماحشمك ابد وتافهه
مدري ليش للحين متمسكه فيه
اهلك والله فيهم خير اللي باقي يحكون معاه
ع ايش رافع خشمه ولا يجي يتفاهم

اسواء انواع السلوك سلكه معاك
ضرب وطلاق والحين يجي ياخذك من غير
اي حشيمه
معليش الموضوع قدر وحسن خلق وقدر لبنت الناس واهلها

الا اهلك ضعيفين يجلسون يطاردون فيه عشان حضره جنابه يجي لهههم ويتفضل مشكور

بالعقل كسرك مرتين وباعك مو عجزان يكمل الثالثه

طول عمرك بتجلسين ع تهديده اذا انتي في بيت اهلك المفروض يكون مشتاق لك وللبنات
مايصدق انك رديتي عليه ويعترف بخطائه
ويجي الا يكابر وعارف ان كل مره تسلم الجره
وضامن رده فعلك

اخخر حل مع انه قهر بحق ابوك يكلم ابوه ويتفاهم معاه
بس ابوه ماله دخل بعد اذا ماجت الحشيمه لك من شريك حياتك قدام اهلك وطبطب ع جروحك
ورفع قدرك ورجع لك كرامتك
وترجعين وانتي مرفوع رأسك وراجعه للمملكتك
مو ترجعين كأنك خدامه منحاشه بدون ضمانات ولا شي ويدك ع قلبك واول كلمه بيقول اسكتي والا طلقتك
والا انتي اللي راجعه برضاك
لو تبيع البنت سندها وعزوتها بتظل طول العمر مهانه
الله يقدم لك اللي فيه خير وصلاح
مع ان زوجك فراقه عيد مريض ومذبذب ويحملك اخطائه
بالتوفيق