💙💖🤱🏻 تباشير الخير الخـامـس لأجمل مواليد نوفمبر وديسمبر 2018🤱🏻💖💙

انا نفسك نغزات مؤلمه كأنها التهاب بس ادري مو التهاب اتوقع رجول البيبي لانو بطني من فوق قااسيه زي الحجر وكاتم على نفسي

صباح الخير 💜
قريت اخباركم الحمدلله كلكم بخير
عذبه الله يقومك بالسلامه
ديم لاتنسين القراءات الموعد الجاي
عطايا لاتخافين دام الدكتور ماعلق معناها ان شاء الله كل الامور بخير استودعيه الله وحده بالتباشير اللي قبلنا كانت واصله اقصى مراحل التكلس ومخلينها يقولون دام توصل الغذاء والدم خلاص


النفوسات مشغولات بالزيارات ماينلامون


رونق وش صار ع ضيوفك كيف استقبلتيهم بعد 11💪🏻🌚


قطرات ياعيني ع التصوير محترفه يابنت 😴😴😴


توفي الحلبه بطله صادقه ناويه عليها بنفاسي بشربها وبحطها مع كل شي عشان السكر يقولون تنظمه والله يخلي الشتاء مابنعرق فيه ولا بنطلع ريحه 🤭


انا امشي يومي نص ساعه لي اسبوعين واليوم احس الحوض متعبني الم فيه وعظامي مفككه وكأن الدوره بتجيني سبحان الله 🌚
عاد وقفت مشي اليوم مامشيت قلت برتاح وبكره ان شاء الله امشي

والله اذا تبين نصيحتي , لا غسولات و لا هم يحزنون

كل يومين حطي لك موية دااااافية جداً جداً فيها ملح خشن و اجلسي فيها شوي
و مرتين باليوم حطي ميبو ,, و مرتين باليوم منقوع المرة .. حطيه بقطنة او منديل و حطي ع الجرح شوي
و مطهر بيتادين خففيه عشان يطهر و يعقم المنطقة و صلى الله و بارك ~
لا تلعبين بنفسك ,, عامليه كأي جرح خارجي بيدك او رجلك ,, و بيبرى باذن الله

عاد حنا بالشتاء ثلاث ارباع الروايح ماراح تكون موجودة ان شااءالله ,,
عشان كذا يمدحون نفاس الشتاء

انا حملي هذا كله تسسسدح و تبطح ,, واليوم عاد رحت لاسواق الخليج عندنا بالرياض
كبير و محلات بعيدة عن بعض و غالباً يحتاج سيارة للتنقل بين المحلات
لكني مشيت مشي عوضت كل ايام التسدح و الحين احس بتعب بجسمي
ودي يجي فيل يهمزني