ساعدوني أنا فالتاسع ولم ينقلب الجنين بسرعة قبل القيصري

والله يادارييين احترنا لما سألت الدكتورة عن المشي قالت لي المشي مجرد رياضة لا اكثر ولا اقل وتساعد على تنزبل الياهل زيادة فالحوض...لكن الناس والمجربات أدرى.

aoa المهم استفدتي شي.

الغاليه ام عويش

اليوم وحده من رفيجاتي تقولي تقولي عن وحده بالبريمي اسمها نبيله يقولون زينه تقدر تعدل وضع البيبي ما ادري سمعتي عنها او لا او احد جربها او لا ؟؟؟

بروح ادور عليها خلال هاليومين بجربها عسى تكون من الله سبب

والله يفرجها ان شاالله

حلمي صغير.. هيه سمعت عنها واخت ريلي كانت تراجع عندها قبل الحمل بس المشكله يالالغالية اني مش متحمله اي محاولات والله يعوور واااايد..انا اسوي رياضه وعسى الله يفرجها عليه ويسهل ولادة كل حامل.

عزيزتي اكثري من السجود..وبقولك على سالفة وحدة سمعتها من دكتورة في التلفزيون اتقول جتها


وحدة وضعية الجنين مقعدي وحاولوا معاه بكل الطرق خلوها تحبي وقالوالها اكثري السجود ورجعت

بيتهم وردت عادت عشان ايشوفون وضعيته..تدرين الدكتورة قررت شتسوي..سوت لها موسيقى


صاخبة مزعجة يعني وخلوها بصوت مرتفع ..يظهر ان الجنين انزعج من الصوت وانقلب ..سبحان الله


وبعدين ولدت طبيعي..


أكثري من الدعاء والسجود وحاولي بعد بالموسيقى او الاصوات العالية لأن الجنين بيستجيب للأصوات..

أنوار البحرين-- شكرا الغالية على النصيحة وبجرب دام هالشي يمكن يكون صح مع أنه القصه غريبه جدا لكن كل شي مكتوب.