شاركي في النقاش

سجلي الدخول لإضافة تعليق.

التعليقات

22
  1. @ork_aanb_5

    صاحبة الموضوع
    جزاكن الله خيرا على هذه الردود المتفهمة والواعية اليكن ماسأفعل وهو الاستخااااااااااارة والله هو الذي سيكتب لي مافيه خير لي ولي عودة بعد شهرين لأخبركن بنتيجة قراري
    اللهم لاتحرمنا أجر عناء الحمل والولادة
  2. @ork_aanb_5

    صاحبة الموضوع
    لاأزال بحاجة لرأي طبيبة مختصة اين الطبيبات ؟
    فقد قرأت بأن الولادة بنوعيها تكاد تكون متساوية في المضاعفات فالولادة الطبيعية قد تتسبب في تمزق العضلات وقد عانيت منها او البواسير وهي مرعبة وكذلك اضغاف الذاكرة لذلك هي ليست الام وتنتهي بانتهاء الولادة كما تقولون
  3. اذا تقدرين تضمنين ابره اظهر في مستشفى خاص كان بها ( شوفي مستشفى دله كويسين)
    وفي هالحالة انصحك طبيعي اذا كان وضع البيبي مستقر وما تستدعي حالته شفط
    وسبب تفضيلي للطبيعي في حالتك لانك سبق ولدتي طبيعي يعني المنطقه تحت توسعت
    وقناة الولادة سهل المرور فيها مو زي لما كنتي بكريه
    وماله داعي تدخلين بالقيصري لان فيه جرح واذا سويتي قيصري تكونين زي اللي خرب المنطقتين
    الولادة الاولى طبيعي المنطقه تحت فيها اتساع
    والثانية قيصري البطن فيه جرح
    والله يكتب لك الخير وتولدين بالسلامة.
  4. والله يا اختي ما في شيئ مريح انا جربت الاثنين
    الطبيعي جلست اطلق 18 ساعة والدكتورة سوتلي تدليك يدوي لفتح الرحم وهذا موت بحد ذاتة
    وجلست شهر كامل لا استطيع الجلوس الا على مخدة وجوزي ما قربلي الا بعد 6 شهور
    والقيصري كان لازم اتحرك بعد العملية ب8 ساعات وكان لازم احد جنبي لاقدر اني اتقلب على السرير
    لفترة طويلة وكمان اعطوني ابرة خاطئة سببت تنميل في فخذي الى الان (6 سنوات) هذا غير الادوية الكثيرة بعد العملية المضاد الحيوي والمسكنات و و و و اللي توثر على البيبي
    يعني كله( وهن على وهن)
    المهم استخيري والله يوفقك لكن اختاري بدقة هذة المرة وانا لاحظت شيئ
    كل ما كانت المستشفى غالية وفخمة كل ما كانت المعاملة اسوأ كاننا دافعين فلوس علشان نتبهدل
    والله الموفق
  5. @amphoralgnanamp

    flash2
    والله يا اختي ما في شيئ مريح انا جربت الاثنين الطبيعي جلست اطلق 18 ساعة والدكتورة سوتلي تدليك يدوي لفتح الرحم وهذا موت بحد ذاتة وجلست شهر كامل لا استطيع الجلوس الا على مخدة وجوزي ما قربلي الا بعد 6 شهور والقيصري كان لازم اتحرك بعد العملية…
    في البداية اختي اسأل الله ان يهون عليك ويرزقك الطفل السليم المعافى ويجعل ماصار لك في ولادتك تكفير ذنوب ورفعة درجات اللهم آمين..شوفي اختي قبل لااقول تجربتي بقول رد لدكتور نساء وولاده لما سألوه اي الولادتين اسهل قال:انا ماراح اقول اي الولادتين اكثر الم بس بقول شي واحد اللي هو المضاعفات اللي تصير في وقت العمليه القيصريه(حدوث جلطات -نزيف-البنج ممكن يطلع الاكل للرئتين-وبعد العمليه يمكن تصير فيه التصاقات وانسدادات في الرحم ولايمكن معها الحمل) وتذكروا ان كل شي طبيعي من الله احسن...انتهى كلام الدكتور ووالله العظيم وحده اعرفها توفت بعد كتبة الله بجلطه في الرجل بعد ولادتها القيصريه بخمس ايام واخت زوجي انفتحت عليه العمليه وخاطوها مره ثانيه وسبب لها التصاقات وماعاد حملت مره ثانيه واختي والله معها ثلاث اطفال ونعمه من ربي بس سببتلها العمليات انسدادات وماحملت وتزوج زوجها عليها ووحده اعرفها اسأل الله ان يشفيها هي بين الحياة والموت ولدت قيصري وبعد العمليه جاها نزيف وفصيلة دمها نادره ومالقولها دمهذا اللي يحضرني الحين وكل شي بكتبة الله بس ماقد سمعت ان وحده ولدت طبيعي وجاها كذا بس اكيد تألمت كثير وقت الطلق بس كله باجره انا اذا جتني الدوره وهي ماتقارن اموت من الالم لازم ابره ..نجي لتجربتي انا طلع الحوض عندي ضيق بلاشعه وقالتلي الدكتوره لازم قيصري الحين قبل لايجيك طلق ووتتعسر الولاده وعلى فكره هي استشاريه كبيره في الحبيب وولدت في دله والمولد الله وولدت والحمدلله ان فيه شي اسمه قيصري والا جلس البيبي في بطني صحيت منالبنج وانا تعبانه مووووووووووت من الجرح ومن البنج احترق عندي المرئ وكل يوم يجيبوا لي تخطيط القلب وماشفت بنتي 16يوم ولارضعتها ولاشلتها كله بسبب العمليه وماشاء الله تبارك الله اللي تولد طبيعي تشوف ولدها وتحضنه بعد الولاده على طول وتنسى الالم لان الطلق راح بس يبقى الخياطه الله يصبرها لكن اللي عمليه جرحين ووخياطتين جرح الرحم وجرح البطن وكله تحس فيه بعد الولاده مو قبلها عشان ينسيها البيبي الالم والحين عمر بنتي سنتين والله ماقدر احطها على بطني والحمدلله على كل حال وانتي تقولين الم ساعه يمكن يموتني شوفي مضاعفات العمليه والجلطات لاقدر الله يعني اذا دخلن العمليه ماندري نموت والانعيش ونشوف البيبي وكل شي مكتوب..اعذريني على الاطاله بس حبيت لك الخير ولاتخلين اخلاق الممرضات الزفت والدكاتره تجازفين بحياتك وانتي ماشاء الله تقدرين تولدين طبيعي وبانسبه للعورات انا شافوا عورتي وانا مدري عنهم بس انتي صاحيه الله يهون عليك ولاتذوقين الالم اللي شفته ولازلت اعاني منه اعتذر مره ثانيه على الاطاله..

تابعي تجارب أخرى من هذا القسم.