شاركي في النقاش

سجلي الدخول لإضافة تعليق.

التعليقات

2,015

  2. ام سلمان ..
    السلام عليكم .. انا حامل في توأم في الشهر الثامن اتمنى تقبلوني في تجمعكم واكون خفيفه عليكم .. طبعا ولادتي بتكون قيصريه لانهم بالعرض وهذي ثاني ولاده لي الاولى كانت طبيعي وشايله هم القيصري خاصه اني بكون لوحدي الله يسهل علي وعلى كل حامل يارب
    وعليكم السلام ورحمة الله
    حياك الله والله يتمم لك على خير ويجعل عمليتك برد وسلام عليك ويعافيك بعدها ويقومك واحنتك بالسلامة وكل حامل

  4. الجوهرة الحالمة
    ان شاء الله ناويه نهايه الاسبوع أرجع لبيتي وأكمل الاغراض اللي ناقصتني اليوم زرت بنتي ما قدرت اتمالك نفسي رجعت البيت وانا تعبانه نفسيا رغم ان الدكتوره طمنتي عليها بس شي خارج عن ارادتي واللي زادني صار بيني وبين زوجي خلاف وتعبني زياده
    وحليلج الله يبعد عنج الضيق حبيبتي حاسه فيج

    انالما تنومت بنتي بالعنايه عطوني المستشفى غرفه خاصه لاني مرافقه لها

    منت الصبح اول مايسيرون عيالي المدرسه طيران للمستشفى اشل معاي الحليب اللي شفطته طول الليل واعطيه للمرضات

    وعقب اقعد عندهم ٤ ساعات وعندهم هناك جهاز شفط كل ساعتين اسير اشفط واعطيه للمرضات واقعد اطالع بنتي بالعنايه وما اقدر المسها 💔

    والظهر ارجع للبيت لان عندي ولد كان بالروضه ارجع اشوفه وادرس عيالي شوي واشفط اهم شي كل ساعتين بالبيت وبالمستشفى

    والعصر ارجع للمستشفى وزوجي يشل العيال معانا نقعد بالغرفه اللي عطوها لنا المستشفى واقعد ادريهم وامتحانات عندهم 😅 واقعد للعشاء وارجع البيت

    مع انه ما اقدر اشل بنتي بس علشان اشفط لها كل ساعتين واوفر لها الحليب

    وارد البيت انام فبيتي علشان اجهز عيالي للمدرسه واضبط منبه بالليل يقومني كل ساعتين للشفط

    وعقب ماكملت بنتي اسبوع بالعنايه سمحوا لي ارضعها بنفسي

    هنا اعتذر لزوجي مابقدر ارجع البيت وببات بالغرفه بالمستشفى والحمد لله ما طولت وايد كم يوم ورجعنا للبيت ❤️

    تقريبا قعدتا ١٠ ايام بالمستشفى

    وزوجي يتضايق من روحه المستشفى كم مره باليوم بس اقوله تحمل تبي عيال بدون تعب 😒

تابعي تجارب أخرى من هذا القسم.