ادعي ربج انه يرده لج رداً جميلاً ويسخره لج
لو رجعتي التجمعات اللي قبل والله ان احنا تهاوشنها كنت أحسه يستفزني وكأنه راعي فضل علي ومآخذ السالفة ببرود يومياً هواش ويومياً سالفة وانا بطبيعتي مالعن واحترمه ومستحيل أغلط عليه سبحان ولعنته ذاك اليوم من القهر استغفر الله قال خلاص كنسلي وورقتج بتجيج قلت ان شاءالله المهم زعلنا وعلى فكرة كنت في اخر ايّام التنشيط كان يوم خميس والسحب كان الأحد يعني الجمعه كنت بأخذ الابرة التفجيريه كنت في بيت هلي الْيَوْمَ الثاني داومت وبعد ماخلصت رحت العياده علشان تحليل شوي الا هو متصل سال إنتي وين قلت في العياده استغليت هالشي وسالت اللي في المختبر قلت لو بغيت اكنسل العملية يصير قالت كلمي الدكتور تعالي ع الموعد وبلغيه شوفي وش بيقول طبعاًهالنقاش كله صار وهو معي عالخط ويسمع شاف اني مب مهتمة وطبعاً قلبي يحترق
طلعت من العياده وهو معي عالخط طبعاً لا هو اللي يتكلم ولا انا اللي أتكلم يوم قربت من البيت قال لا تكنسلين انا ابي عيال تعرفين بغى يوقف قلبي من الفرحة سويت نفسي عادي قلت الموضوع مب لعبة كنسلي ولا تكنسلين وسبحان الله ربي كتب لي وسويتها الحمدلله ونجحت من فضل ربي ماشاءالله واللحين متعلق في بناته بشكل ماتتخيلينة الحمدلله الله يسخره لي يارب ويسخر زوجج لج يارب ويحنن قلبة عليج ويرزقج منة ذرية صالحه
إنتي اللحين لا تناقشينه في موضوع العملية بس قومي بواجباته وسوي نفسج عادي خلج هاديه كثري استغفار وحوقلة وياذا الجلال والاكرام أكرمني
آسفة ع الاطاله
تجمع 113 للمقبلات على الحقن المجهري وأطفال الأنابيب
متابعة النقاش، صفحة 294