, تجمع القولون العصبي ,

.. السلام عليكم ورحمة الله بركاته ..
خواتي حبيت افتح موضوع اللي يختص بمرض القولون العصبي فقط للنقاش لاهميته .. لان فيه كذا موضوع بس قديمه جداً
اتمنى كل وحدة تدخل نبغى منها طرق اهتمامها بالغذاء والاكل لتفادي وتزايد الالم عليها .. تكتب لنا المسكنات اللي استفادة منها سوا علاج او اعشاب كلنا نعرف ان هذا المرض ماله علاج ابداً ماله الا مسكنات بالادويه او الاعشاب ..
اولاُ احمد الله واشكره على كل حال هذا ابتلاء من الله تعالى فاللهم لاتحرمنا اجر الصبر وتكفير الذنوب كل شيء باجره واعلم ان الله اذا احب عبداً ابتلاه ..
معاناتي .. انا عندي قولون من سنين طبعاً شخصلي الدكتور بعد ماسويت منظار وطلعت المعده سليمه وقالي قولون بدون ماياخذ منظار للقولون من بعدها كل ما اتعب اقول خلاص هذا اثر القولون لان نفسيتي كانت مره تعبانه .. ولا صرف لي علاج كنت بس اخذ شمر او كمون بابونج يهدي شوي ..
الاعراض اللي تجيني قبل الاكل او بعده .. صداع دائما , انتفاخ البطن , غازات , حركه بالبطن , واحيانا فقد شهيه غثيان .. طبعاً تجيني اعراض غير هذي بس ما اتوقع انها من القولون الله اعلم راح اقولها بعدين ..
قبل رمضان سنه هذي جتني صدمه من شخص عزيز وتعبت مرره لدرجة وقتها احس بحلقي كان احد خانقني من بعدها صرت تعبانه نفسيه وجسديه صرت اراجع للمعده اخذت علاج فيرين كم شهر بس مافي اي فائده كل علاج اخذه بدون اي فائده .. رجعت اسوي منظار قبل شهر شخصلي دكتور ارتخاء في فم المعده يسبب لي الارتجاع المريء .. بنسبه للاكل انا مسويه حميه من خمس سنوات بعد ماسويت عملية استئصال المراره .. للعملوميه من بعد هالعمليه وانا اعاني من المعده ..
بنات للاستفاده الله يخليكم لا تبخلون علينا بتجاربكم خبرتكم ونصائحكم نبي تفاعل اكثر في الموضوع الله يجزاك خير جعلها الله بميزان حسناتكم يارب .. ❤️
الله يشفينا يشفي كل مسلم يتالم والعافيه تاج على رؤس الاصحاء لا يعرفها الا المرضى .. ❤️