تجمع 113 للمقبلات على الحقن المجهري وأطفال الأنابيب

ارجوك يا اختي حللي amh او Fsh عشان تقطعين الشك باليقين لا تدخلي في متاهة نقص المخزون على اساس تخمينات الموضوع مو هين
انا شايفة بندر قاعد يعطيك جرعات صغيرة منشطة فاكيد محا تطلعي الا قليل

فاحسنلك اعملي التحيليل حتى لو برة المستشفى عشان ما توهمين نفسك او تشغلين نفسك بشي مش فيك

كم جرعتك من ابر التنشيط ؟
اللي عندهم نقص بالمخزون يأخذوا اعلى جرعة ومايطلع الا بويضات قليلة ثلاثة اواثنين

وييسر امورك يارب
طيب كيف سحبه تنويم والا اشلون ؟ ومتى بديت انا والله متضايقه من التأخير كل شوي تتأخر الله ييسر الخير

لا وائل ماعرفة انا دخلت على نبيل قالوا طبيب زائر ومادري وشو تخيلي عطوني موعد وجيتهم هالموعد من الساعه 11 لين الساعه ثلاث وشي تهاوشت معاهم قلت خلاص مابي اشوفة وبعدين دخلوني عليه تخيلي يسوي عمليات سحب وترجيع وبين كل عملية يشوف مريضه اخر شي دخلت عليه حتى عشر ثواني ماقعد معي طلع وخلاني مع دكتوره سودانية ماعرف شسمها سوت لي التراساوند قالت خلاص بعطيج بريملوت وتعالي الشهر الجاي زين ياعالم ياهون دافعه الف وشئ علشان اشوفة وهو اللي يقرر ويقول على اَي أساس وشنو مشكلتي يطلع ويخليني مع دكتورة مالها شغل بالإخصاب انا هنا حطيت اكس كبير عليهم ومابي أشوفهم رحت لطب الام والجنين فيه دكتورة غادة حسين عراقيه بس للأسف ماعطوها ترخيص لعمليات طفل الانبوب وسافرت أتوقع للسويد هي هناك في مركز إخصاب فظيعه واللحين عندهم دكتور اجنبي ماعرف شنو جنسيته بس مارحت له رحت للدكتور اسامه

شوفي انا سويتها مرتين المره الاولى كلفتني 26 كاااااااامل شامل كل شي لين تحليل الحمل ومع الادويه
المره الاولى مانجحت
المره الثانية السحب والترجيع 18500
والادوية يمكن كلفتني اربعه بس تفرق انا خذيت جونال اف كان كل يوم أبره جرعة 450 يعني ممكن مريضة ثانيه تكون جرعتها 150 يعني الابرة ممكن تكفيها ثلاث ايّام
تقريباً في المره الثانية يمكن فرق بسيط بين المبلغ مب متذكره المبلغ زين لان المره الاولى دفعت مره وحده المبلغ كامل والمرة الثانية دفعت في كل زياره
واللحين عنده احمد عمران بعد عنده نسب نجاح ماشاءالله شوفي اكاونت الدكتور اسامه شي يبث الأمل ماشاءالله وفيه حريم وش كثر احملوا بثلاثة ماشاءالله اذكر معي وحده فيها ثلاثه ولدين وبنت ماشاءالله وحاط عن بعض الحالات اللي سوى لهم العملية وحملوا بثلاث أجنة الله يبارك لهم ووحده من الحريم واحد من الأجنة انقسم وصاروا ثنين في كيس واحد وواحد بروحه بِسْم الله عليهم الله يحفظهم ويرزق امهم شوفتهم يارب ويرزقكم من واسع فضله
كني طولت السالفة 😂😂😂
المهم حبيبتي كل دكتور عنده نسب نجاح وفشل حتى هو عنده عمليات ربي ماكتب لها النجاح بس مب معناته انه دكتور سيئ ودكاترة حمد والله زينين واعرف ناس وش كثر احملوا عندهم بعد فضل ربي عليهم وكلي امرج لله والله يختار لج اللي فيه الخير يارب
وعلى فكرة المره الثانية أنجحت وربيت من عشر شهور جبت احلى اميرتين ماشاءالله تبارك الله الله يحفظهم ويرزقكم ياااارب ببنين وبنات