عشاق أكتوبر ..🤗 تحضيرات الشتاء

ماسويت شيء ابدا


الحو عندنا بالمدينه حلو الى الان نشغل المكيفات

بدأت في تجهيز الملابس الشتوية وبدأت اجمع ملابس الصيف من الدولاب
وحشنى الشتا جداااا خصوصا واحنا بنشرب السحب أدام التليفزيون وقت المطر

الله يجعله شتاء خير ويمطرنا مطر بركه وخير ...
السنه هذي باذن الله نبي نسوي جاخور مستقل يارب لك الحمد ... ونحط فيه خيمه ومطبخ وحمام .... ونخيم بالعطله ...عسى ربي ييسرها ويرزقنا بفليسات تكفي المشروع ☺️...


كل سنه اقعد محشوره انا وعيالي لا بر ولا خيام ...وكل الكويت طالعه مخيمات ...والله اني اضيق بس حمدلله ....
وان شاءالله بجاخوري اشتري كستناء واشويها ع النار ..واسوي حليب بزنجبيل ...واخبز خبز تنور مع سمينه ودبس ...احلى ريوق ..وانقع دجاجتي من الضحى ...واقعد تحت شعاع الشمس افلي بناتي 😂😂..هالاجواء تذكرني بايام والديني الله يرحمهم ويغفر لهم ....خاصه السدحه بحضن امي والفلي 😂😂...ياربي تديم علينا نعمتك وامنك وامانك ي كريم .....

وشو الجاخور🙄

ناويه اغير صالتي لجلسه شتويه بحط مساند ودوه وبحط دلال وغواري للشاي والقهوه صالتي بنص البيت وتفتح ع جهتين لاصار فيه مطر افتح باب الحريم وباب الرجال ويالله خل الهواء يكفخ كني بوسط الصمان ههههههههههه