, تجمع القولون العصبي ,

السلام عليكم ورحمة الله وبركاته
اليوم لي سابع يوم وانا أتألم من بطني وعلاج المستشفى مافاد
حتى البانتوزول مافاد وكل شي جربته فكس دهنت فيه بطني وسري ورجولي
وشربت البابونج والمرمية والكمون يخف في لحظتها ساعة او ساعتين ويرجع الالم
الزنجبيل خفف علي الغثيان بشكل كبييييير
اليوم استخدمت المرة بحجم حبة القهوة لهمتها مع كاس موية مرتين تستخدم
وحاليا الحلتيت بحجم حبة القهوة لهمتها مع كاس موية ومرة وحدة تستخدم
ووالله الى الحين معي الالم يروح ويرجع ويوصل للظهر ويرجع للبطن يعني يتنقل
ما ادري وش الاسباب؟؟!!
هل هو بسبب الرقية؟؟
لاني ارقيت نفسي وحسيت بحركة في بطني؟؟!!
هل هو من القولون ومافاد معه الادوية؟؟!!
الله اللي يعلم وش اللي فيني؟؟!!
الله يشفيني واياكم وكل مرضى المسلمين

رديتي عليك في موضوع ..
الحركه اللي حسيتي فيها كانها حركه الجنين بالرحم مثل كورهه .. اذا كذا انا مثلك اول ماتعبت صرت ارقي نفسي يوميا جاتني هالحركه اول ماصحيت من النوم بعدها صرت اتالم من المعده القولون العصبي ..

حسيت ان هالمقطع قريب مني لي سنين مشخص لي دكتور بالقولون العصبي كذا بدون منظار للقولون راحت عليها كل هالسنين بان فيني القولون العصبي .. لاحد الان الله اعلم ..
حبيت انكم تشوفونه هالمقطع وكيف الدكاتر يشخصون من انفسهم لنا رجاءا تابعو لين اللقطه الاخيره مهمه جداً .. والله هالدكتور صادق وين بعض الدكاتر عنه ..!؟
فيديو YouTube

قلتيها بنفسك .. قريتي وتحرك شي في بطنك .. انصحك واصلي القراءه .. الله يشفيك وكل مسلم ..

مهوب لازم المنظار لتشخيص المرض .. تكفي مجموعة تحليلات للدم وغيره ويكفي ..وبالنسبة للمقطع .. بامكانك قراءة اعراض مرض السياليك وتقدرين تعرفين هو نفس اعراضك او لا ..
وعلى فكره ذكرتني ام حمودي بالمر .. انصحك بشرب منقوع المر لتقوية المعده ..الله يكتب شفاءك وكل مسلم ومسلمه ..