, تجمع القولون العصبي ,

حبيبتي القولون يسوي بلاوي واوجاع حتى نفسية واعراض مثل الذبحة الصدرية بعيد الشر عنج وعنا بس ما تخوف لانه لازم بس تهدين نفسج وتطنشين وحاولي كثير تتأملين دايماً لو تقدرين والتنفس عندج خذي شهيق وزفير مرات مثل ماقلتي ما اقدر اكل اي شي بس والله احاول ما اعقد نفسي اهم شي راحتج النفسية لانه يعتمد كثير عليها

الله اعلم .. لان كل شخص يختلف عن ثاني فيه من يحس بالم بسيط يكون مع الزعل بس وفيه ناس لا يكون مصاحبهم بالاكل وبالحاله النفسيه .. الاعراض اللي تجيني

الم ماغص مع تقلصات وانتفاخ مع غازات قرقره بالامعاء مع اصوات احيانا يصاحبه امساك
او اسهال كثرة البول حتى لو يكون نقطه انتِ بكرامه .. قلق واضطرابات النوم خفقان والم في الصدر مع ضيقه بالتنفس .. ترى مو كل شخص يصير له كذا على حسب المريض

اسال الله العظيم رب العرش العظيم ان يشفينا ويشفي كل مريض يتالم اللهم امين .. ❤️

صحيح هذي اعراضه مرة يصير الالم يمين تحت الاضلاع مثل ماذكرت الاخت انتبهوا لاكلكم
عن المرارة كنت قبل اربع شهور حامل وحاني الالم ورخت عملت اشعة سونار قالت مافيج شي
والحين رجع الالم مرة ثانية انا مابي عملية بحاول بالعلاج الشعبي مثل ما تفضلتي

يتعبني فيه هذا الشعور اللي مثل الذبحة الصدريه تحسين قلبك بتوقف ومن شدة الالم اتبخر في مويه حاره ابي بس احس اني لو اتنفس .. مايجيني كذا الا لما تصاحبني الحموضه المفاجاءه بسبب ارتخاء فم المعده وعلى الحاله النفسيه الله يكون بالعون ..

افحصي لا تهملين نفسك من باب الاحتياط انتبهي لصحتك ترى وجع الاهمال متعب يعور القلب ..
الله يشفيك ويتمم عليك بالصحة والعافيه امين يارب ..