التجمع 114 المقبلات على الحقن المجهري وأطفال الانابيب

حبيبتي كله خير ان شاءالله وكل تأخيره فيها خيره
ماعندي فكره والله بس حبيت ادعيلج والله ييسر كل امورج عزيزتي

اخت دلال هل استخدمتي فيتامين لك قبل عشان جوده البويضات يمدحون داهيه اذا البويضات جودتها لابأس بها

الله يعوض الجميع عزيزتي

اول شي انا مو سعودية و انا مقيمة ببريطانيا و محاولتي الاولى تم تغطية تكاليفها من الضمان الصحي الحكومي ... بس التكلفة قالت لي الدكتورة اذا حابة اعيد المحاولة عندهم راح تكلفني في حدود 5000£ مع الادوية يعني تقريبا 25000 ريال سعودي ... طبعا هذا السعر لنفس الشغلات اللي انا سويتها ( شوفي ردي اللي قبل ) يعني اذا نظام مختلف او اضافات ممكن يكون اكثر او اقل حسب كل وحدة و حالتها ... و ايضا اسعار هاي المستشفى تعتبر ارخص من العيادات او المستشفيات الخاصة اللي ممكن توصل ل 35000 ريال
المستشفى او القسم اسمه Guy's & St Thomas' Assisted Conception Unit

نظامهم مختلف تماما عن عندكم بالسعودية و كنت كتبت رد بهذا الشي من قبل فالتجمع ... هنا كل مرحلة لها دكتور او اختصاصي خاص ... القسم طبعا بيه دكاترة مختلطين بس من حظي كنت كل مرة تجيني دكتورة من غير ما اضطر اطلبها ...الفحص الاول و النقاش بالنظام و العلاج المناسب كان مع دكتورة اصلها اردنية او فلسطينية ... سونار اليوم الثاني من الدورة دكتورة انجليزية ... المراجعات و متابعة التنشيط مع ممرضات ... السحب دكتورة يابانية ... الترجيع دكتورة انجليزية ... فما كان عندي مشكلة التستر لكن هنا عادي تطلبي دكتورة اللي تكون معاج لأنه ما أعتقد اذا كان دكتور راح يسوون لج تستير اشلون بالسعودية يعني بس يحطون الغطا و خلاص

قبل المحاولة الاولى كنت اخذ مدة شهور pregnacare و الفوليك اسيد و فيتامين D و تغذية صحية و انا وزني صحي 57 كيلو ... حتى الممرضة قالت لي خلال متابعة التنشيط انه الاستجابة زينة و نظامي جيد ... و نسيت ما ذكرت حتى تحاليل الهرمونات الحمدلله كلها طبيعية لا نقص ولا زيادة ... و البطانة كانت 3 ايام الدورة و بعدين 9 و بعدين 13 و كنت اشرب عصير رمان لأنه مفيد للبطانة الطبيعي طبعا

داهية قريت عنها بس مشكلتها انه لازم تاخذيها من بعد اذن الدكتور اللي يعرف اذا حالتج تتماشى مع هالحبوب او ممكن تلخبط الامور عندج و خصوصا هي تساعد اللي عندهم مشكلة فالهرمونات او التبويض و اذا ما كان عندج مشكلة ممكن تاثر سلبيا فاستبعدتها هي و ال inositol

تسلمين حبيبتي الله ييسر لنا اجمعين و يفرح كل منتظرة يا رب