, تجمع القولون العصبي ,

ليش ازعل ياعمري انتِ اخت عزيزه ماقصرتي معي وبالعكس انا معك وكلامك يسعدني لو تدرين بعد يخفف علي من هالالم يكفي انك واقفه معي الله يسعدك يارب ..
ادري ان هالكبسولات البكتيريا النافعه ضروريه خاصه للي يعانون من مشاكل المعده وبذات اللي يعاني من جرثومة المعده هالكلام عندي علم من اول ماجتني جرثومه قبل خمس سنوات بس اللي مستغربه ليش مايصرفون لنا لو نجيبها من برى بدل هالعلاجات اللي نتعالج منها من شهور بدون فائده ..
بخصوص العلاج فعلا هو نفسه واخذته قبل كذا اربع شهور بدون فائده بس تخفيف شوي من الالم اضطريت اني ارجع له عشان هالقولون اتعبني حيل طلع روحي حتى لي يومين ماذقت النوم بسببه ..
العلاج هو حق تهيج قولون العصبي وثاني لحموضه المعده وثالث لارتجاع المريء ..
علاجات .. نيكسيوم 20 لعصارة المعده .. فيرين لتهيجات القولون .. اسيكال للحموضه
المشكله اني خواف بزياده علاجات تتعبني لما قالت لي وحده احسن علاج للقولون العصبي .. دواء ليبراكس Librax tab طبعاً مو متوفر عندنا كنت بجيبه من مصر بس ترددت ..
بكره عندي موعد راح اسال الدكتور عنه دامه مصري بشوف رده لي لو اجيبه من مصر عادي عندي برجع اسال هذا الدكتور عن كبسولات البكتيريا النافعه بشوف نفس رد الاول ولا ..
الله يكتب لنا الشفا من هذا المرض و جميع مرضى المسلمين ..

انا معك اختي جربت كبسولات الانزيمات للهضم وايد نفعني الاخت خايفة من الحبوب لانه اصلا وساوس تجيها باين فبقولك اختي اخذيها وانتي متطمنه هذي ابداً ما تضرك طبيعية مو كيماوية نفس حبوب المستشفى وان ما نفعتك ماراح تضرك
بس عندي سؤال من وين جبتي الانزيمات والبكتيريا النافعة
انا عندي الانزيم من دي ان جي وصراحة ابي ابدلهم

انا اخاف لان العلاجات تتعبني مادري بسبب المعده ولا لاني ما اتحمل عشان جسمي ضيف مو خوف وسوسه ولا بالعكس اتمنى اني اخذ علاج وارتاح حتى ارتاح لو من هالامراض اللي هدت حيل .. بس قولولي من وين اجيبها ..

انا اطلبها من موقع اي هرب .. انتي ادخلي الموقع وشوفي الانزيمات اللي تقييمها عالي اطلبيها .. وترى فيه انزيمات مدمجة في كبسوله وحده مع البكتيريا النافعه .. ولكن اذا تبينها بتركيز اعلى اطلبيها كل وحده بلحالها .. الله يشفينا ويشفيكم ..

ذبحني هالمنتى كل دقيقة يطلعني