بس بفضفض 😪

مساء الطمأنينه وراحة البال
اللهم لك الحمد ولك الشكر ولك الثناء الحسن
اشكر ربي وأنا مخنوقه ومهمومه ومكتئبه
لأني بنعم لاتعد ولا تحصى .. ولو اني فقدت نفسي
فقدت الفرحه بالاشياء اللي تفرحني
فقدت طعم الحياة وطعم كل شي كنت استطعمه
الحمدلله أغلب يومي متفائله وافكر بإيجابيه وأشغل نفسي ..
لكن مازالت تجيني لحظات الضعف اللي تخليني اتمنى ادفن نفسي 😪 وترجع لبالي كل لحظات الالم والقهر
في لحظات الضعف هذي أقرر انفصل عن زوجي وانهي العلاقه وارتاح
وفي لحظات الهدوء اتراجع واذكر نفسي بإيجابيات وضعي لنفسي ولعيالي
انا الان منفصله عن زوجي عاطفياً وأجبرته يبعد ويترك لنا الشقه
حاول يرضيني جاب لي هديه وارسل كلام ووعد وعود انه يعوضني لكن ماقبلت شي منه ومو قادره اتقبله نهائي
ماادري هل الطلاق والانفصال منه نهائي يريحني وينهي كل هالمشاعر بقلبي مشاعر الغبنه والقهر .. ابداً مااحس بمشاعر حب او اشتياق له ولا احس اني كرهته بس ماعاد ابي اشوفه
اصبّر نفسي كل يوم واتفائل بكرم ربي والعوض منه
أحاول قد مااقدر اكون قويه لكن الانسان ضعيف مهما حاول وأظهر القوه ..
اختصار قصتي ووضعي هنا https://www.hawaaworld.com/بعد...