مواعين المطبخ

انا عشقي المواعين اجيب واحط ويالله اخلص

كلنا والله عشققق معا المواعين ...بس الحمدالله خلصت الترتيب بعد كاتبتي للموضوع تخلصت من الاشيا الي مالها داعي حتا المطبخ صار نيظيف ومرتب

جيت ارد على موضوعك لقيتك تقولي رتبت وخلصت
عموما بقولك نصيحة عالماشي خلي ادوات الضيوف في دولاب منفصل عن باقي الادوات وخليهم اطقم كاملة
اما لاستخدامك فخلي ادوات للاستخدام اليومي وتكون على عدد افراد الاسرة ومكانها يكون قريب من ايدك واذا عندك اغراض منوعة وشياكة خليهم يوم بالاسبوع شكلي لاسرتك فيهم حركات ودلع واذ فيه اغراض زيادة جمعيهم بكرتون وشيليهم بالمستودع للنزهات الخارجية او وزعيهم لاحد من الاهل او الجمعيات

انا مواعيني كثير
لان اغلب الاوقات يجوني اهل زوجي ف احتاج صحون وملاعق كثيييره ،صحوني والباديات مش اطقم
اخذتها بالحبه ف عندي انواع كثير
والاكواب والكاسات والفناجين والبيالات عندي لها عشق يمكن عندي ٤ اطقم من كل نوع 😂
والصواني ايضاً عندي كثير لان احتاجها للعشاء الكبير
بس الحمدلله مطبخي مو مكركب وكل شي له مكانه
حتى اذا جاني احد يعرفوني ما اتورط بالمواعين وكل شي موجود عندي

عشان يترتب مطبخك خذي قاعده
ممنوع التسوق العشوائي مو اي شي يعجبك تاخذينه ..
قبل التسوق تجردين مطبخك وتشرفين يمكن عندك شبيه..
ممنوع يبقى عندك من كل طقم قطعه قطعتين والباقي متكسر خلاص طلعيهم تصدقي فيهم اذا هم كويسات
ممنوع بدروجك شي منكسر منشطف منثلم 😂😂
ممنوع يقعد شي انتي ماتحبينه او ماتستخدمينه تتخاشينهً ع طول طلعيه
الحل للاشياء اللي طلعتيهم بطريقتي انا مرات احطهم بكرتون وهي نظيفه ومصفصفه كأنها جديده بس الاعداد قليله وارسلها لعمال المحطه ..
او اعطيها السواقين عند اهل زوجي وبكذا هم استفادو وانتي استفدتي مساحه