استخرت ولسه محتارة

السلام عليكم ورحمة الله وبركاته
لو سمحتو ياريت تساعدوني
انا استخرت كتييييييير بخصوص تحويلي من جامعه لجامعه تانيه وفي النهاية حولت
ودحين تعبانه كتير مع الادراة تبع الجامعه الي حولت ليها وبستخير ارجع لجامعتي الاولى
المشكله الجامعه الاولى ماكان فيها قسم مريحين او شادني ادرسووا وكنت مره مش مرتاحه امكن الميزة الوحيده الي فيها النظام وازا رجعت ليها حدخل قسم انا مره مااحبو
والجامعه الي انا حاليا فيها فيها القسم الي طول عمري اتمنى ادرسوو بس المشكله الادراة فيها مش منضمة يعني للان مابدأنا ندرس الترم الاول وواعدينا ناخد 3 شهور كامله للترم داه بس والله مافي امان تخيلو من اول يقولوو راح نحول لمبنى جديد وللان ماحولنا

ماادري استخرت كتييييييييير والله والمشكله كل يوم احس بشي اكون مرتاحه للجامعه الي انا فيها وفجاءة ابكي مره واخاف واحس اني لازم انقل من الجامعه
وكمان شي تاني دحين انا درست سنتين ودي 3 سنه وفاضلي سنتين اذا رجعت للجامعه الاولى حيفضلي فوق دي السنه 4 سنين

ايش رائيكم انتو

6 تعليق 728 مشاهدة

شاركي في النقاش

سجلي الدخول لإضافة تعليق.

التعليقات

6
  1. @aaaaaashkh_alryad

    نصيحه مني

    خليك في القسم اللي طول عمرك تحلمي فيه لنك تدرسين برغبه وتعطينها من كل قلبك

    ويكون لك دافع

    واذا علي الاداااااااااره بكيفهم اهم شي مستقبلك وطموحك

    والله يسهل عليك
  2. @aghl_osal

    ما عليك من الإدارة ..

    أهم شيء مستقبلك ..

    الدراسة يبي لها كفاح

    و ما فيه مكان راح ترتاحي تماماً فيه ..

    أتمنى لك التوفيق

    اطردي عنك وساوس الشيطان

    هو اللي يخليك تفكرين في الرجعة ..

    ما دامك استخرتي .. كملي طريقك اللي ما بقى لك فيه إلا سنتين
  3. @jeddah_cool

    صاحبة الموضوع
    اوراق البنفسج
    مرحبا بنات
    والله شكرً كتير وبجد خلاص كم ساعه اتحمل واكمل وكده برضو ماما وعمو يقولولي
    بس تخيلوو للان مابدءنا الترم كل شويه يقولو بعد اسبوع واخر شي قالو الاثنين ادعولي بنات الله يخليكم لا تنسوو تدعولي نبداء الاثنين
    والله انا اكتر وحده متحسه ادرس واتخرج وبعمل كل شي علشان اجيب درجات
    الله يوفقكم يارب ويوفقنا

تابعي تجارب أخرى من هذا القسم.