السلام عليكم
جمعه مباركه عليكم كلكم
ام نواري
الله يسلم لج اعيالج حبيبتي
بالنسبه للأعشاش
اخذي شعيريه باكستانيه اللي لونها بني
كسريها بيدج حطي عليها ملعقتين اكل زبده وحليب مركز مب العلبه كلها تقريبا نصفها او اقل
وخلطيهم مع الشعيريه
شفتي لماتفركين عجينة البسكويت سويها بنفس الطريقه علشان تتشرب الشعيريه عدل
بعدين حطيها في قوالب الكيك دخليها في الفرن من تحت ومن ثم من فوق تستوي بسرعه يعني لاتتحركين عن الفرن
لين طلعتيها كوري جبن كيري مثل الكور الصغيره وحطيها في الشعيريه
اخر شي شربيها بالقطر
ورشي فستق مطحون
الكلام وايد لكن سهله وتسوينها بسرعه
حق افالة العيد سويت نفس الشي لكن سويت خلطات مختلفه والطعم رهيب
مثلا حطيت في بعض منهم رهش
و حشوة ثانية كانت عباره عن كازو مطحون مع ملعقتين اكل ماي زهر وملعقة شيره
وبالعافيه
بنات قطر ( ( نحن لاندعي القمة . . بل نسعى للوصول إليها ) ) الجزء الثاني
متابعة النقاش، صفحة 63