زوجي هاملني في شهر العسل ولا يكلمني

ساعدوني
دوبي من شهر تزوجت
زوجي من النوع اللي ينشغل ويغطس في ابسط شغلة ويخلي الشغل يتراكم عليه حتى في ايام زواجنا الاولى مشغول ويعمل اجتماعات ويخرج من الفندق ويسيبني بالساعات لوحدي .
من خامس يوم زواجنا سافر للعمل ولا يكلمني الا كل ٤ ايام مرة لمدة ٥ دقائق او حتى مايتصل يرسل عالواتس صباح الخير او تصبحي على خير
ابدا ما يتواصل ولما اعاتبه يقول مشغول مافضيت ابدا
ولو زعلت يطنش بزيادة ولا يرسل حتى كلمة صباح الخير.
حسااااس لدرجة غريبة وكتوم وكلامه قليل مع انه ايام الخطبة كان يكلمني بالساعات ويضحك عادي.
من يوم سافر وعدني يرجع بعد اسبوعين والى الان له شهر ومارجع وبس يقول شغلي ماخلص.
ومايحب يتكلم في شي مهم
يعني لو جيت اتفق معاه عالمصروف يغير الموضوع
ويمسك علي اي كلمة عن تيسير الامور يفسرها اني ما ابغا ولا شي في الدنيا
زواجنا كان عالضيق عشا بسيط وبس وكنت موافقة بسبب مرض امه لكن ما جبلي ذهب ولا جبلي هدايا
حسيت فرحان اني بوفر عليه مع انه شغله كويس وعنده فلوس
وانا خجولة جدا اطلب مصروف ولا اطلب ذهب
مع العلم هو جنوبي غربي.
اش رأيكم في هالنوعية من الرجال واش اعمل؟
ولا تقوقولي ابعتيله رسائل تحببه فيك سويت كل هالشي وجربت كل يوم ابعتله صور قهوة وغزل وحركات مافي امل ومايرد عالرسائل والاتصالات اصلا يطنش كل شي.
حتى لما اكلمه ابكي واقول مشتاقة لك موووت. يتعاطف مع البكا شوي بعدين يطنش.
وبسبب التوتر مرضت وفي الفراش لي فترة.
يحب هو بس اللي يقرر متى يتصل ولازم ارد عليه ولا يزعل ويقول مارديت.
ولما يتصل عالسريع يقول انه يحبني جدا ومشتاق لي.
عطوني من حل الستات الشاطرات والنصايح العجيبة. وابعدوا عن المثاليات ونظريات جدتي ترى مافيها فايدة.