السلام عليكم
اليوم ويكند لكن للأسف تعكر يومي كله
السالفة بدأت
اتفقنا انا وزوجي من امس نطلع نتمشى
ع اساس اليوم
وقمت من بدري وتجهزت وصحيته وطلعنا
واحنا برا قال وين تبون ؟ .. قلتله نروح لمول
قام يتأفف وزحمهة واليوم جمعه ووو..
انا تنرفزت بالبداية بس ماقلت ولا كلمه لان دايم ذي حركاته
شافني ساكته قام يصارخ بدينا شغل النفسية وقلبت الوجه قلتله وش قلت انا الحين ؟
خلاص مو مجبور توديني
وجلس يتكلم انتي تسدين النفس
الله يسد نفسك تبين تمشيني على مزاجك!!
وانا والله مافتحت فمي الا بالكلمتين الي كتبتها لكم ي بنات
المهم قلتله رجعنا البيت خلاص
ومشينا واخذنا اكل
وودانا لمكان قريب وانا تضايقت مره من كلامه
اخذت القهوة وجلست اتقهوى
وهو حط الاكل وقال مابتاكلين ؟ قلت لا
قال الله يسد نفسك مثل ماسديتي نفسي
وقعد ياكل وانا الدمعه بعيني
بعدين شفت حشرة تمشي وقمت بعدت عنها
قام يصرخ يقول تاركه الفرش وجالسه ع الارض !
انقهرت وقمت وانا واقفه نفضت عباتي من الغبار
وقال الله يكسر يدك غبرتي عليه
المهم رحت السيارة وجلست فيها ابكي
انقهرت من اسلوبه ليش كذا يكلمني
وش الشيء الي انا سويته عشان يسفل ويدعي زي كذا !
هذا الي حصل وحاليا ف البيت ويتكلم طبيعي ويبيني اكلمه عادي ولا كأنه حصل شيء
رايكم ونصايحكم جداً تهمني ي اخواتي ..
شاركي في النقاش
سجلي الدخول لإضافة تعليق.
التعليقات
68- مشي وتجاوزي ولا تكبري سالفه عاديه ماتستاهل احد يوقف عليها
مفروض ماتفاعلتي معه وواكلتي عادي وسويتي نفسك انبسطتي لان اهم شي تغيير الجو - رأيي انك لازم تتعلمين تسلكين وتتغاظين وتفوتين ولا تدققين وتستقعدين
وش بينقص منك لو رديتي عليه بالسياره بكلمتين حلوين وكلمه منك ومنه توصلون لاتفاق وحل يرضي جميع الاطراف
ترى الصمت والطنقره والبوز الممدود شبرين مثله مثل اللي يرد بعشر كلمات ويهاوش شي مستفز لابعد الحدود
حطي نفسك مكان زوجك لو انتي تسولفين عادي وبس قلتي المكان الفلاني زحمه وهو طنقر وبرطم ومد البوز وسكت وش بيكون رد فعلك ؟ ماراح تحسين بغبنه وتتنرفزين وتحسين انه كاتم انفاسك وغايظك حتى رأي ونقاش مايسمع منك كأنك ولا شي لازم اللي في باله او يطنقر ويخرب الطلعه !
سبحان الله احياناً الواحد مايحس باخطائه وعيوبه بس يشوف رد فعل الطرف الثاني عليه
تعلمي تناقشين وتتحاورين بذوق ولطف مع كلمتين حلوين واحياناً لازم نمشيها عشان تمشي الحياه مو كل شي يجي على هوى انفسنا واذا ماصار اللي نبيه نطنقر الحياه مو كذا ثم تجين تشتكين وتبكين وكأنك مظلومه ..
مع احترامي لك الطلعه مع شخص نكدي مطنقر عباره عن مضيعه للوقت والحياه معاه استنزاف للمشاعر يعني زوجك ماقدامه خيار غير انه ينفذ طلبك او خلاص يفترض زوجك يرجعك للبيت ويطلع لحاله طالما من بداية المشوار نكد . عواطف تركي رأيي انك لازم تتعلمين تسلكين وتتغاظين وتفوتين ولا تدققين وتستقعدين وش بينقص منك لو رديتي عليه بالسياره بكلمتين حلوين وكلمه منك ومنه توصلون لاتفاق وحل يرضي جميع الاطراف ترى الصمت والطنقره والبوز الممدود شبرين مثله مثل اللي يرد بعشر كلمات…
عزيزتي اقسم بالله ما امداني امد البوز على قولتلك
الا هو الي قام يتأفف ويصارخ
انا من طبعي ارد الكلمة بعشر ع قولتلك
لكن اعرفه هالاسلوب يكبر المشكلة اكثر
وهو يكره المرادده من كل قلبه يكرها
عشان كذا التزمت الصمت
ولو هو فعلا مايبي النكد ولا يبي مدة البوز ولا يبي المشاكل ويبي فعلا نكون كلنا الاثنين راضين
ماكان زودها بكلامه ودعاويه ؟
وانا قلت فوق دايم ذي حركاته
مو اول مره يسويها عشان الوم نفسي
ماهمتني الطلعه ولا همني المكان
الي قهرني كلامه ودعاويه
ابي حل واسلوب ارد عليه فيه اذا جاء يتعذر- لو منك كان قلت له
"خلاص حبيبي ودني المكان اللي تبيه اصلاً من زمان احتاج طلعه ع ذوقك ، احبك "🙈♥️✨
>>و من هُنا تبدأ الخرفنة الذكورية الممتزجة ب الخقة و تغيير الرأي العكِر سريع سريع
و السبب كيد النساء اللطيف 💘😌👌🏻 - ممكن ماحكيتي كلام كثير لكن نبرات الغضب او الزعل او حتى الاحتقار تبان من ردة الفعل ممكن قلتي كلمتين لكن تنرفزتي وزعلتي
فاذا مو حاب موول طولي بالك وابحثي عن بديل تعودي لسانك يكون عسل وثناء وشكر وحب وحتشوفي منه عسل مذاب بالشهد وحب مضاعف وومكن مو بس يوديك المول ممكن يلف بك كل مكان ببالك بس تزين الاخلاق
مواضيع مشابهة
تابعي تجارب أخرى من هذا القسم.