البدو!!!!

عمات امي بدو ساكنين في البر لكن بيوت طين ومايتنقلون مستقرين بمكانهم وعيالهم لا ساكنين مدن

ايه جدي وجدتي من امي عايشين برا الديره وعندهم غنم وبعارين ووايت الله يطول بعمرهم

اعتقد مي الصيعري

احم احم انا بداية حياتي بالبادية وكنا نتنقل من القصيم الشرقية للشمالية برحلات طويلة متعبة وشاقة طبعا على سيارات وثيابنا تخيطها امي وتجدل شعورنا وتربط عليها طرحة او شال عشان ماتتقصف وكنا نصحي مع العصافير ونحوس بالغنم حتى وحنا صغار نساعد بالي نقدر عليه وكانت عندنا همه وشجاعة. لما صار عمري ١٠ سنين استقرينا قريب من قرية بخيامنا وعندنا حلال وسيارات ونسمع الأخبار براديو السيارة ونلبس فساتين جاهزة مو خياطة أمي لا تطورنا ههههه ثم سكننا بالقرية ودرسنا وتعلمنا وتزاورنا مع الجيران بدون استئذان و البنت الشاطرة الي تجهز القهوة أسرع اذا جو جارات أمها. ثم سكننا بمدينة وقفلنا ابوابنا لازم اتصال واستئذان وموعد للزيارة. المهم ان الحياة ماتوقف على أحد وكل المجتمع حولنا مثلنا اماكننا الي كنا ننصب خيامنا فيها اصبحت صحاري جرداء لا يوجد بها سكان إلا كان خيمة عامل .بادية القصيم كانت ملئية بالبدو الحين ماتشوفين أحد أبدا أبدا .

هذي هي حياة البدو للي وده يعرف أين راحو وعيالهم دكاترة الممرضين والضباط وبناتهم كذلك وأفخم العمارات لعيالهم وبناتهم والحمدلله على الأمن والتطور والخير الي حنا فيه