مجروحه يابنات أنا أنثى بس مع زوجي أحس إني واحد من الشباب ماله رغبه فيه ابدااا
يعني مايقربني إلا كل شهرين أو ثلاث ويشهد الله مو ناقصني شي يمكن بس عندي زيادة وزن ومو كثير مره
تزوجته من ١٥ سنه وله ٩ سنين ماله رغبه فيه
تعرفون شعور المتزوجه لما زوجها يشتاقلها ويتغزل ب جمالها
كان بس يتغزل فيه ومايرضى أنام عند اهلي وكل شي تغيرررر والله اني اسمع الكلام الحلو من الناس برى ولا اسمع منه واذا تزينت يحاول مايشوفني واحيانا ينادي عيالي وينومهم عندنا بغرفة النوم
ماخليت شي صارحته وجها لوجه وبرسايل بدون جدوى يقول والله مافيه شي بس ضغوط
قبل فتره صارت مشكله بيني وبينه على موضوع تافه ورحت لأهلي ومن قهري قلت لأمي على هذا الموضوع طبعا اهلي قالو نناديه ونحل المشكله بس موضوع الفراش صعب نفتحه معاه
الغريب لما ناداه ابوي قال لأبوي بالحرف الواحد
(يمكن هي قالت لأمها على انها صابره على شي مايصبرون عليه أغلب الحريم وأنا معترف بتقصيري والله هي مو ناقصها شي بس أنا مضغوط)
يوم قالها منزل عيونه و ولا حط عينه ب عين أمي وأبوي إلا بعد ما خلص كلام
مقهوره يابنات دامك عارف إن مو ناقصني شي واني صابره ليش تتركني شهرين وثلاث
معقول مضغوط ٩ سنين مستحيل ما تمر عليه أيام مايشتاق
يمكن مايقربني إلا ٥ او ٦ مرات بالسنه
ماعدت احس ب جمالي وانوثتي
ماعدت احس إني لازم اللبس واتزين
كيف اتزين ل واحد نظرته لي زي نظرته لأخته
يابنات تعبت ولا لقيت حل
ابغى رومانسيه ابغى أحد يحضني ابغى احس ب حب مو شرط جنس
لا حياة لمن تنادي لي ٩ سنين اقول يمكن يتعدل الحال بس مافيه تغير
انا عايشه عنده أم لعياله وشغاله لا أكثر الرغبه عنده صفر
كل يوم اتحسر على عمري معه ومن حقي احس بمشاعر المتزوجه
قبل كم شهر نزلت في الحاله بالواتس اني افكر بالابتعاد وجاء يمزح معاي وعطاني فلوس حسيته خوف اني ابعد
بس الان احسه يقول بينه وبين نفسه ماعندها إلا الهرج
وانا احن لأيامي معاه بس مااقدر اكون في بيته زي اخته ونفسي انفصل بس عارفه ابغى اتبهذل لا وظيفه ولا دخل واهلي حالهم على قدهم وعارفه بيأخذ عيالي
ابغى حل
مني قادره أتقبل اني اعيش معاه بدون علاقه
شاركي في النقاش
سجلي الدخول لإضافة تعليق.
التعليقات
58- ايه ممكن يكون سبب للطلاق ..بس قبلها اجلسي معه وقولي وش ذالضغوط اللي ٩سنوات كل الناس عندهم ضغوط واكثر حتى السجين له خلوه وهو محبوس عن كل شي ،صارحني فضفض راح اتفهمك ،اذا عندك ضعف عادي انا ستر وغطا وكل شي له علاج ،بس تخليني كذا مو فاهمه لا والف لا ،،صرت اشك في انك تمتع نفسك يا بالعاده او شذوذ ..معليه قولي له خليه يتكلم ،او اني مو ماليه عينك فترى اسهل مما تتخيل اخلي لك الجمل بما حمل والله رزقني اياك وبيرزقني غيرك
- المزاجات تلعب دور كبير
- امم الحين انتي اللي قبل كم يوم كاتبه موضوع انه من 9سنين من غير علاقه ولا غير
اتوقع معاه ضعف جنسي وماقال لاهلك الا انه حاس بس مابيده شيء وبالنسبه للحب والاغزل يخاف اذا قالك شيء تفهمين انه يبيك في الفراش ولا يكون عنده مقدره
انتي قولي له بصريح العباره اذا انت عندك ضعف او غيره صارحني اقلها اتفهم سبب تغيرك ونحاول نعالج المشكله
انتي اذا جاك تحسينه مرتبك او غيره
اذا كذا فاكيد عنده ضعف بس مستحي منك - كل وحده تختلف واحس دام الحب موجود والعشره الطيبهاهم شي وعادي دايما بادريه
والكلام حلو طلعيه منه باساليب فيه ذكاء وكيد النسا اذا جاك بعد مده طويله اعطيه حقه بشوق ومشاعر يمكن يعجبه يعني علاقه مو مشي حالك
الله يصلحه لك - اسمعيني زين اقراء سوره البقره على نفسك وفي ماء واعطيه كل يوم وكثري حوقله واستغفار وش تسوين
مواضيع مشابهة
تابعي تجارب أخرى من هذا القسم.