مواقف يوم الولادة او البنج 😣😣😣😣

الله يعوضك خير ياعيني و يجعلها شفيعه لك عند الله ...

اي والله الله يعين

لي 11 يوم والده واللهم لك الحمد ولدت طبيعي وبالسلامه انا والبيبي وربي يكتب الاجر
كنت مره متوتره من اول مادخلت التاسع كل ماحسيت اني قربت اولد اخاف اكثر مدري ليه مع انه حملي الثالث يعني مو شيء جديد علي
جبت شغاله نهاية الاسبوع الثاني من التاسع وخففت عني الشغل وبديت امشي يومياً نص ساعه بس مااحس بتغيير اروح مواعيدي بالحكومي اللي بااولد فيه يقول امورك طبيعيه
لين جاء ذاك اليوم اللي طفشت وقلت خلاص بااولد واكثف مشي ثلاث ايام ورا بعض ساعه الى ساعتين امشي كل ثلث ساعه ارتاح خمس دقايق واكمل لين اخلص ساعتين وبعدها اخذ لي حمام ساخن واسوي قرفصاء
نزلت علي السداده فجر الثلاثاء وطلبت زوجي اني اروح مخطط امشي ورحت وامشي مشي متباعد وسريع وكل مامشيت احس بشيء ينزل مني اللي هو بقايا السداده ومره انبسطت لاني قربت اولد وارتاح
جاء فجر الاربعاء حسيت بطلق يروح ويجي علي بس ماكان قوي شيء اتحمله قررت انني اكافح وامشي اكثر واكثر
وامشي ساعه متواصله بطريقه عسكريه مع تمارين قرفصاء واخذ لي دش حار وبعده كملت مشي متواصل ساعه واخذ دش حار ثاني
واروح البس بناتي واكلهم واقول في نفسي ليه مااختم المشي ب سبع تمرات وسورة مريم والله ماامداني اخلص التمره السابعه الا واشتد الطلق اكثر خففففففت مره
واكلم زوجي الساعه 11:30 بالليل يوم الاربعاء واقول يالله
واوصي الشغاله بااشياء تسويها / واروح من هنا وانزل بناتي عند حماتي واروح المستشفى قال 3 سم ولازم تنويم
وبصراحه خفت مابغيت اولد قلت خلاص باارجع وكل ماجلست اختفى الطلق واذاا مشيت اشتد علي😭😭😭
وظليت جالسه وخايفه بغرفة التنويم للساعه اربعه وبعدها قلت يابنت الحلال امشي وكلي تمر عشان اولد وارتاح لان الخرف مسيطر علي بشكل والله وامشي وكل ماجاتني طلقه سويت جلسة قرفصاء ويشتد اكثر واكثر 😭
جت الساعه سته الصباح قالو سونار وسوا سونار قال امورك طيبه وشافني ارتجف الدكتور قال انتي ولاده قلت مدري جاء كشف قال ثمانيه سم بسرعه ودوها 😭😭😭😭
وووووواااااااااوووووو يافرحتي حزتها مره مبسوطه بااولد وارتاح واروح للولاده وحطو التخطيط ووقف الطلق 🤯
تخيلو الطلقه والثانيه بينهم عشر دقايق واكثر وماتطول تروح بسرعه كان طلقي باااااااااارد حاولت ادفع اكثر ماش الجنين مرتفع ومانزل كله للحوض كانت المويات حاجزه النونو فوق
تخيلو للساعه تسعه الا ربع جاء الدكتور وحط لي طلق صناعي وجلست شوي لين اشتد الطلق وجلست ادفع وطولت بالدفع يمكن عشر دقايق او اكثر وانا ادفع لان طاقتي نفذذذذذذت لين ولدت على تسعه وربع اللهم لك الحمد
كان البيبي كبير شوي ف شقني بدون قص وطلبتهم يخيطوني
اللهم لك الحمد ولدت بالسلامه وكانت ولاده متتتتتتتعبه جداً من ناحية الدفع لاني تعبت صراحه وجاني انخفاض فالضغط مااكلت حزتها زين لكن الحمد لله يوم اشوف ولدي بحضني وانه بخير اتحمد ربي مية مره
وربي يكتب الاجر واجر امهاتنا يارب العالمين
...../............../........
ولادتي بالتفصيل المُمل 🤭🤗

طبعا انا بكريه ولما دخلت التاسع اخذت فيه اسبوع والكل يقول لي مطوله انتي بطنك مرتفع مرا المهم ما اخذت بكلامهم مطنشه كنت متابعه فبرنامج حمل وكنت اشوف كل اللي كانو معي ولدو وابارك لهم بس انا طفشت ابغا اولد ومتحمسه لبنتي انا كنت اتمنى بنت وربي رزقني بها ولما كشفت قالو لي بنت واروح اقضي شريت حق سنه قدام😂🌚 واشتري العاب واشياء كذا فرحانه فيها مرااااا وقاعده اقرا انو في حريم شربو خروع واللي شربت قرفه يعني ومن ذي الاشياء ف انا شسويت مستعجله صرت امشي الصباح كل يوم نص ساعه واكل تمر واشرب اعشاب والله نسيت وش هي المهم واتابع وحده ع اليوتيوب وشمي ورده وطفي شمعه دايم اسويها مع انها متعبه وامشي كل ماطفشت امشي عديت اسبوعين من التاسع ويجيني الم واسوي قرفه واشرب فسياره كل ماجاء الوجع شربت من ذي القرفه ولما وصلت اختفى الوجع 😳🌚 قلت شكله من القرفه طيرت الوجع وقتها كان مفتوح ٣ وصرت اجلس ع ماء دافئ وجلست خمس ايام مغير امشي واكل ف تمر وقاعده ادعي اني اولد طفشت ما كنت اقدر انام زي الناس وفنفس اليوم اللي محددت لي الدكتوره ولاده حسيت بالم فصباح منتظم يجي ويروح وكان فبالي ابغا غداء مشتهيه رز 😂ماصحيت زوجي قاعده اقول بنتظر لظهر اتغدا واروح المستشفى يعني كان الم عادي يجي ويروح جلست لظهر ماقددرت قلت بروح المستشفى مايمدي اتغدا😭 واصحي زوجي اقله وديني ويلبس ويروح ياخذ اخته حسيت اني ما ابغا احد عادي بروح لوحدي ودخلت الطوارئ قالو لي انتظري بدور كان الوجع عادي يجي ويروح مع اني مافطرت ماحسيت بجوع بس احس اني عطشانه ومن حظي كل شي مقفل وتفول لي اخت زوجي تعالي انا اعرف محل اخر المستشفى ونممشي المستشفى مرا كبيييييير ونممممشي وصلت نص الطريق ماقدرت وقفت يجيني وجع كاني بولد خفت قلت لها وين وديتيني مااقدر امشي 😭💔 ويروح الوجع وامشي شوي ويرجع لي واتماسك الين رجعت قسم الطوارئ جيت ابجلس ماااقدر افز واقفه كل اللي ف الاستراحه يناظر وش فيها ذي😂 كان شي ينغزني من تحت ماااقدر اجلس واروح ابدخل قسم الولاده تقول لي ماجاء دورك واروح لزوجي امسك ايده وكل ماجاء الوجع عصرت ايده عصر وهو يبعد عني ويضضحك المهم ويجي ذاك الوجع اللي ماينمزح ابد وانا ادخل اطنش اللي عند الباب سائلو عن اسمي وقالو لسى دورك ماجاء اجلسي وانا مو قادره اجلس كل ماجيت ابغا اجلس افز واقفه😩ويشوفني دكتور جالس يشوفني كل مابجلس مااقدر وانا قاعده اقول فنفسي يارب مو هو اللي يولدني 😭 ويجي ينادي دكتوره ويقول اكشفي على هاذي الله يجزززاااه الجنه وتناديني انسدح ع السرير وتقول لي مفتوح ٦ ولاده يلا وتشوفني اتوجع واخفض صوتي ماابغا احد يسمعني وتجي اخت زوجي وتاخذ العبايه والجوال والملابس ومن الوجع نزلت حذياني ورميتها تحت السرير وطلعوني غرفه الولاده وانا جالسه ادعي قبلها كنت احفظ من النت ادعيه لتسهيل الولاده وجالسه ادعي وطلعت ع سرير الولاده ماكنت ادري الساعه كم وكل ماشد علي الوجع اقول ليش حمممملت انا ليششش واناديها تجي مو عارفه ايش ابغا وجع غريب يخليك موعارفه انتي تبغين تقومين او ايش تسوي بضبظ المهم وتجي واقلها ابغا مويه وتجي تحط ففمي نقطه بس اقلها عطشانه تقول ممنوع وتخليني وتروح تسولف اشوفها من بعيد ولما زااااد الوجع حددده ناديتها قلت لها الحين ماااقدر اتحمل خلااااااص وجات كشفت قالت ١٠ خلاااص وتجي دكتوره ثانيه وتقولي دفي مااعرف انا جالسه احاول واحاول قالت لي غلط مو كذا انا لما اقلك دفي بدفي قلت لها طيب وتشجعني تقول يلا انا شفت الراس وادف وتقول لي بسرررعه واحاول دفه دفتين الثالثه طلعت واختفى الووووجع وجالسه ادعي لهم واقول لها الله يددددددخلك الجننننننننننه وتضححححححك علي وتقول اممممين وعطتني بنتي ع صدري ياللله كاااان احلللللى شعور بس استغربت بنتي مابكت لما نزلت وماسالت ليش بس قالت لي لو تاخرتي شوي كنا حولانك قيصيري وتضرب بنتي ضرب خفيف وتقول لي وزنها ٣كيلو ماشاء الله
وبعدين جات تخيطني جلست نص ساعه انا طفشت بلم عظامي قلت لها خلااااص امانه قالت تحملتي الولاده مابتتحملي الخياطه يالله خلصت بس دقايق وانتظر عشر دقايق وتخلص الحممدالله وتقومني اروح الحمام اغسل وغسلت لما خرجت جلستني ف كرسي وعطتني بنتي اه ما اوصف لكم الشعور الله يرزق كل وحده تتمنى وتجي اللي تنظف وتعطيني جوالها قلت ليشش؟ قالت اتصلي ع بابا يشوف بيبي قلت لها برتاح شوي قالت لا مافي اول بيبي هاذا عرفت انها تبي فلوس واتصل عليه يجي يشوفها وبشرته اني ولدت انا جيتهم ظهر ١ واشتد علي الوجع عصر وولدت مع اذان المغرب ويجي زوجي من الفرحه نسيت اقله ماعندي ملابس وحذيان 😂😭😭😭😭 قلت له جيب ملابس للبنت ونسيت نفسي مرااا واخذت الجوال ودتني غرفه الملاحظه واللي ساعدتني عطاها زوجي فلوس وطلعت لي ملابس بنتي واكل مرسلته اختي يعطيها العااافيه كنت جيعاااانه بس فرحتي ماتنوصف وماتذكرت اني بدون ملابس الي لما طلعت غرفه الزياره فوق تذكرت اني بدون حذيان وماعندي ملابس 😭😳 شنطتي اللي كنت مجهزتها مااخذتها لاني ماحسبت وجع والولاده كذا كنت احسبه اقوى واللي جمبي مسكينه مقررين لها عمليه بس لما شافتني بملابس المستشفى عطتني قميص جزاه الله خير وزوجي من بكرا عصر جاء وجاب لي ملابسي وحذيان🌚 الحمدالله ماكانت ولادتي صعبه بس الم الطلق مو طبيعي يخليك مجنونه بس الحمددددالله ماطول معي ولدت والحين بنتي عمرها سنه ٩شهور وحامل الحين ليا شهر الله يرزق كل محرومه ويسهل على كل حامل ادري طولت بس حبيت اطمن كل بكريه ماتخاف وتدعي الله يسهل لها ويرزقها لذه احتضان جنينها😘❤️

ماشاء الله لكن ان شاء الله بنتك بخير دام مابكت ؟والله يسهل لك حملك وولادتك