بنات صارت لي سالفه متعجبه منها بقولها لكم مااقدر مااهرج ولاودي اعلم اهلي بها
السالفه ان زوجي فجاءه قلب علي فجاءه صار يكرهني وانا مدري وش السالفه ضاق صدري
وانا ودي ادري بس وش انا مسويه افكر اعصر ذاكرتي ماااش مااشوف فيه شي
التزمت دعاء اللهم اكشف لي الحقائق واهدني سواء السبيل ووكلت امري لله
الرجل كل ماله واردى يجي يدخل الغرفه ويسكر على روحه ينام واذا قام طلع
سكت لاني متاكده ماسويت شي بس بقلبي حريقه ومنقهره ابدري بس ليش ووش السبب
المهم امس طلعت مع امه عاد انا بي طبع الحمد لله اذا شفت الشخص سولفنا وضحكنا واذا رحت خلاص
يعني حتى لو اقعد بكرا مع شخص ثاني مااجيب طاري الأول ولااسولف بشي يخصه
عاد خالتي قعدت تتشكى وتسولف وزوجي يسمع وتقول انه فيه وحده من حريم العيال نفرض قالت كلام سب وشتم لاخو زوجها وان وحده نقلته لمرته هالكلام ومرته نقلته له
وان العيال تهاوشو وصارت بخواطرهم وقفه وخالتي تقول ان حماتي مظلومه وانها ماقالت شي وانا اعرفها مثلي مستحيل تتكلم ولاتنقل كلام
المهم سبحان الله وهي تتكلم انا أتكلم معها وكذا وزوجي يسمع وساكت
يوم رجعنا للبيت قالي توقعت انك انتي اللي نقلتي هالكلام انا سبحان تذكرت دعوتي واثره زعل وحاقد علي يحسب اني انا اللي فرقت بين اخوانه
قلت له انصدمت ان هذا تفكيرك بي وماعندك ثقه بي
بس رجع عااادي
كانه تاكد من كلام امه وانها سولفت واخذت راحتها معي انها واثقه بي وانها متاكده اني ماانقل الكلام
بس سبحان الله استجاب الله الدعوه وبانت لي الحقيقه وهداني الله وانا ارد عليها
فرحت اني ماقلت لاحد واني دعيت الله تخيلت لو اعلم خواتي كان على طول بيقولون معرس مسيار ويشككون وادخل بدوامه الشك
🧚🏻♀️🧚🏻♀️التجمع ✿(الثامن18عشر)✿لمواليد[مارس*ابريل]2019🧚🏻♀️🧚🏻♀️
متابعة النقاش، صفحة 28