💕تباشير 15 لاحلى مواليد سبتمبر واكتوبر 2018 💕

مبروك يا جميلات إنتهاء رحلة وهن على وهن 😍💕
الله يبارك لكم فيما عطى و يرزقكم برهم و ان شاء الله تشوفونهم دايماً بأحسن حال 💕.

لابأس عليك طهور ان شاءالله..
أنصحك بالحجامة باذن الله تشوفين العافية

ربي يبارك فيك امين وعقبالكم يارررب

الله يجزاك خير مافكرت فيها باذن الله لاصار عندي امكانيه بسويها

بسم الله بقولكم اكشني احس مافي تفاصيل كثير
الايام الاخيره صرت امشي واشرب زعتر كثير وصار في جماع واشتغل بلبيت وصارت تجيني طلوق تمسك قويه ومقدر انام بعدين تفك المهم باليوم اللي ولدت فيه كنت ماشيه مسافه ومرتبه البيت اجتهدت مره ماقعدت وشربت زعتر وصار جماع الساعه١ ونمت قمت الساعه ٣ ونص تقريبا والالام تمسسسسك وتفك كن الم برد داخلني والم دوره بنفس الوقت ورحت اكلت تمر وشربت شاي الزعتر ثقلته ورحت المستشفى قعدت بلطواري فتره لين شافتني الدكتوره يمكن ساعتين وكانت الطلوق تروح وتجي متفاوته كل عشر دقايق او كل سبع دقايق بعدين يصير تطول فتره ماتجي وجا الفرج فضت لي الدكتوره وطلع الرحم مفتوح ٣ ونص الى اربعه قالت ولاده وانا ام الرجفه والصياح متوتره ومتحمسه وكل المشاعر فيني وقامو ركبو لي الابره حقت الوريد وقامو يعطوني مضاد مدري وشو ودخلوني غرفه الولاده. وكانت الطلوق مستمره فتررره جت ذكتوره ثانيه ع الساعه ٩ قالت بفحص وقامت تهاوشهم تقول وش ولاده هذي مافيها ولاده الرحم توه والطلوق مو منتظمه ليش جبتوها قالت خلاص بفتح الماي ويوم حت تفتح الماي طلع مافي ماي اساسا قالت نزل عليك ماي قلت لا واوريدي اليومين الاخيره تنزل مني افرازات ثقيله شفافه مايله للبيج بدون دم بس ماي مانزل قالت لانزل اكيد وانتي مو حاسه
المهم قالت اجل بنبدا طلق صناعي بس خلصي المضاد وحطولي الطلق الساعه ٩ تقريبا وبدا الالم اللي يا الله بس الحمدلله تحققت امنيتي اني اجرب الطلق الطبيعي والله انه نعمه صدق الم بس فيه فتره راحه مو زي الصناعي وبدى نبض البيبي يختفي يوقف تماما ويجون يقلبوني كل شوي صار مافي نبض الا لما انام ع جنبي اليسار وفجاه زادت الالام قبل كانت بظهري تضرب اللحين صارت ببطني قال الدكتور دام ببطنك البيبي بيطلع خلاص وفحصني طلع خلاص عشره وصرت كل مازادت الطلقه ادفع والحمدلله ولدت خلو الطلق الصناعي ماشالوه فتره لان خافو يجيني نزيف وقلتلهم لاتقصون بس صارت تمزق داخلي وخيطو من داخل والحمدلله على تمام النعمه واكتمال المنه