لاتجعلومن الحمقى مشاهير....

راجعي ردي.. انا ما تكلمت عن حساب ولا عقاب وأمري وأمرهم لله سبحانه وتعالى.. وقلت الله يهدينا ويهديهم ومازكيت نفسي والعياذ بالله .. الثبات نطلبه من الله سبحانه لكن نعمل يا اختي ونتوكل على الله سبحانه وتعالى..
الناس قناعات وكل شخص حر برأيه..إذا انتي والكثير مقتنعين ان هذا رزقهم من الله .. وزيادة عدد المشتركين والمتابعين لهم دليل توفيق الله لهم حتى لو كان اللي يقدموه كثير منه غلط أوحتى حرام !! واننا لما ننصحهم وندعي لهم ربي يهديهم من غيرتنا من اللي وصلو له من شهره !!! هذا رايكم وقناعتكم !

نصيحه لا تحلفي بالله عليا أو على كثير من الناس الناصحين بالمعروف لوجه الله إننا نغار منهم و نتمنى نصير مثلهم ونجمع فلوس كيف ماكانت الوسيله!! ترا مايعلم ما في القلوب إلا الله سبحانه و تعالى

انتي والكثير أحرار تابعوا وشجعوا اللي تحبوا ودافعوا عن الغلط ولكن في النهايه يكون الحكم لله وحده

لاحول ولا قوة إلا بالله
الله يهدينا ويهديهم

الموضوع كبير
والمشكلة من المجتمع نفسه
ما أدري هي فضاوة أو فضاوة زايد التطبيقات صارت سهلة وكل واحد يقدر يستخدمها
المحتوى محتواهم لكن الناس اللي تتقبل هذا المحتوى ووتفاعل معه
ماتقدرين تتحكمين في الناس وش تبث ووش تخلي ولاتقدرين تمنعين الناس وش تبي تتابع
وهذا الموضوع ما يهمني كثر ما يقهرني أهمال الأهالي لأطفالهم
سواء الناس اللي أستغلت أطفالها للوصول للشهرة
أو الناس اللي سلمت الأجهزة لأطفالها وخلتهم يتجولون في الخسابات ياخذون الحسن والسي منها وعذر الأهل ما عندهم وقت فصاروا يعطونهم الأجهز من مبدأ يفكني من شره ولا يشغل أهله
بس عندهم وقت يتابعون المشاهير عندهم وقت للجوال ماعاد ينزل من اليد عندهم وقت للخرابيط ونسوا الأساسيات
يكفي إجتماع واحد أو إنتظار في مكان عام وتعرفين أن المشكلة موب مشكلة مشاهير بس

معها
امس كانت وحده طول الجلسه وهي تسب وتتكلم عن المشاهير
حتى فلوسهم حرام😂😂 ليش لان اخذتها من الشعب المغلوب على امره اللي مايقدر يسيطر على نفسه اذا شاف اعلان ماهو راتب من الحكومه🤦‍♀️ وان هم سبب خراب الاطفال الاهل يربون والاجهزه تخرب هذا كلامها 🤦‍♀️
وتصدقون ان بنتها ام ١٠ سنوات عندها حساب بالانستا و السناب
وتقول كل حركه يسوونها المشاهير تقلدهم
تتكلم بكل ثقه انهم هم السبب 🤦‍♀️

نسيتي الفئه الي تتمايع وتعرض مفاتنها وتتكلم بتفاهات مالها خص فيها. بالعربي الرخيصه الي تسوي كذا عشان تجذب الرجال لها حسبي الله ونعم الوكيل فيها الله لايوفقها وطبعاً اَهلها فالتينها في الدول الغربيه لاحسيب ولا رقيب واستغلته في العرض والتفصخ والمياعه والصياعه وعمري ماشفتها في كلاسات او معها كتب رايحه هناك استعراض