أم زوجي الله يهديها وزوجي

السلام بنات
مشكلتي هذي خايفة اتخذ فيها أي تصرف واندم لاقدر ربي...
.
أم زوجي مادري هذا طبع فيها ولا وش السالفة ...
.
إذا جلسنا معاها انا وهي وولدها تسولف له عن فلانة وعلانة ( أشكااااااالهم) وتقوله قصص... هذي شافها فلان وقال بيترك زوجته ويبيها وتوصف توصف فيها شخصية وجسم.... رد زوجي اي هي تعرف تترزز للرجال وتجذبهم( انا مت وانا قاعدة) قلت اصلاً مهي حلوة تشبه أمها ردت أم زوجي أي وأمها مواصفاتها مطلب الرجااااال...
.
وذيك يقول عنها زوجها كيت وكيت( كلام مايصير اقوله)
.
وزوجي ياخذ ويعطي معاها وانا ماقدر اقولها سكتي... امه حساااااسة ومابغى اسوي معاها مشكلة
.
اخوه خطب.... جات تسولف معه عن خطيبة اخوه وتمدح فيها .... سكت ماعرفت اتصرف
.
كلشي تقوله لزوجي... فلانة تزوجت بالسر وفلانة فعلت وفلانة سوت ولو اكلم زوجي يشتط ويشوفني متخلفة!!!!!... بالعتها موس وساكتة
.
وش الحل وش الدبرة ... زوجي يتأثر ويسكت وهو يسمع احياناً ويفكر هي تتكلم وانا مرة امشي معاها ايي لا ومرة عيني عليه واناظر وجهه والاحظه؟؟؟؟

31 تعليق 6,440 مشاهدة

شاركي في النقاش

سجلي الدخول لإضافة تعليق.

التعليقات

30
  1. عندنا وعندك خير
    توصف البنات والحريم قدام زوجي فقره ضروريه بعد كل زواج
    ان شاء الله نستفيد من موضوعك
    عني انا شخصياً ثقتي بنفسي وبشكلي قويه مررره
  2. @knt_sarh

    وش بتسوين بتسكتين حرمه كبيره ولا تقطعين الولد عن امه
    انتي خايفه على زوجك
    استودعيه الله
    والله لو ماكتب ربي لو يعطى حرمة بأحسن المواصفات ماراح يتزوج
  3. @ay_asm_5

    صاحبة الموضوع
    كنت ساره
    وش بتسوين بتسكتين حرمه كبيره ولا تقطعين الولد عن امه انتي خايفه على زوجك استودعيه الله والله لو ماكتب ربي لو يعطى حرمة بأحسن المواصفات ماراح يتزوج
    وبعدين وش بعد هالثقة؟؟؟ ممكن في يوم يروح لها في فترة متهاوشين انتي وهو وتجلس تسرد عليه من هالإسطوانة هو بشر مهو حديد،، وابليس ما مات والعياذ بالله
  4. @knt_sarh

    ياعمري انا اقصد انه مامنه مفر من المكتوب
    اهل زوجي مايحبون طاري الزواج الثاني وامه دايم تحذر عيالها مايتزوجون على حريمهم
    وزوجي من ورا امه تزوج مرتين ولا شاورها وهي زعلانه عليه
    فقلت لك استودعي الله زوجك وربي بيحفظه لك
    الناس مالهم حل مابيدك شي ابداً

تابعي تجارب أخرى من هذا القسم.