التجمع الثاني لأمهات يوليو واغسطس2018💖💙

ايوالله يعض يدينه لبسته قفزات صار حتى وهي عليها قفاز يعض
ربي يطمن بالك ويسعدك

السلام عليكم
صباحكم خير وسعادة ورضا من الرحمن
كيفكم حبوبات وكيف الحلوين
معليش انشغلت الفترة اللي فاتت
تعبت وسويت حجامة
ويا الله بديت أحس نفسي أحسن
وولدي اللي بعمر ثلاث سنوات هبل بي وطلع عيوني وقروني
الله يصلحه ما غير شغال ضرب في أخوه وما يخلي شي إلا يخربه
ما كان كذا يا بنات ما أدري ايش صابه
لما انولد أخوه كان يحبه وما يلمسه ولا ياذيه أبد
الين كمل أخوه ثلاثة شهور وانقلب وضعه ١٨٠ درجة
لدرجة صرت ما أجمعهم الاثنين في مكان واحد
أنا آخذه ألعبه وأسليه
وأخته تاخذ الصغير
من جد تعبت معه..
الله يهديهم يا رب

معليش بارد على بعض المشاركات الفايتة


زوجي هديتي
سلامة بنتك الله يشفيها
ما دام طلع عندها ربو انتبهي جد جد من الأشياء هذي
البخور...العطور...روائح المنظفات والصابون والكلوركس...ريحة الفكس...الهواء البارد سواء المكيف أو الجو الخارجي....أجواء المطر خارج البيت
كل هذي الأشياء تهيج الربو
الله يحميها لك يا رب

صدفة حياة
معليش يا قلبي لا يضيق صدرك لما زوجك ينزعج من الأطفال
ذكرتيني بنفسي لما ما كان عندي إلا بنتي وولدي
البنت عمرها سنة ونص وأخوها عمره ثلاثة شهور
كنت لما أروح لطبيبة النساء آخذ ولدي على يدي
والبنت مع أبوها...مستحيل يمسك لي الولد
كنت أدخل على الطبيبة وهو على يدي
وإذا جات تكشف علي أحطه على الكرسي اللي يجلس عليه المريض
ولما صار ينقلب ويتحرك صرت أحطه على سرير موجود جنب غرفة العيادة💔
هذا هم الرجال الله يسخرهم لنا يا رب


وبالنسبة لرضاعة ولدك
إذا كنتي تبغين ترجعين ترضعينه أعطيه صدرك وهو نايم في الليل
وقتها ما يكون مستوعب وما يرفض
حاولي كل يوم لين يتعود على ريحتك ويرجع يتولع فيك
وطول اليوم أعطيه صدرك بعد الرضعات
لو أعطيتيه قبل الرضعة بيعصب ويرفض زيادة لأنه يكون جوعان
وكلما يبكي أعطيه صدرك
مو شرط يشبع منه أهم شي تحصلون الترابط العاطفي على الأقل
الله يعينك ما ألومك تحزنين لو ترك صدرك
الله يحفظه لك يا رب

جلنار
حيا الله الطلة
جد فقدناك الله يحفظك ويحفظ حلوينك
الله يعينك على ولدك
بس غريبة ليش صار يبكي كثير؟ متأكدة أن حليبك يكفيه ويشبع؟؟
أنا ولدي بسم الله عليه صار يجوع بقوة وزدت له كمية الحليب
الله يعينك عليه يا رب ويسخر لك أبوه