💙💖🤱🏻 تباشير الخير التاسع لأجمل مواليد نوفمبر وديسمبر 2018🤱🏻💖💙

الحمدلله الله يطمن قلبك ويحفظ لك الحلو ..
والالتهاب بسيط امره ان شاء الله مع التحاميل يروح
والله يقومك بالسلامه

اقراء الردود وانتظر ردك
حمدلله مبررررررووووك عقبال الولاده السهله الميسره ياااارب

روح باي اسبوع انتي ❤️❤️

ملك
فاقدتك طمنينا عليك !!

الله يبارك فيكم حبيايبي🌷🌷
وهذا اكشني
المهم لم قلتلكم خلصت التاسع وحددولي بعد اسبوع طلق صناعي انا هنا شديت الهمه بديت امشي ساعه واحيانا ساعتين يوم من الايام لم رجعت من الممشى بدات رجلي تالمني مرره كانه شد احس مثل الدبوس اسفل القدم الله يكرمكم حاولت اليوم اللي بعده امشي بالقوه وبعد كذا صار وتعبت زكام وسخونه وقفت يومين بعدها كملت مشي قبل الموعد بيومين تقريباً انا كنت ميته خلاص طفش وقلق يومها طلعت الممشى مشيت ساعه رجعت رحت للمول لان كان الجو بارد ومشيت من صلاة المغرب للعشاء ورجعت بيتي مشيت شويا كمان وسويت قرفصاء المهم اكلكم ملعقتين عسل واكل اناناس طازج وتمر مابقيت شي خلاص مليت الحمدلله واتعشيت بعدها اخذتلي دش مايل للحراره وسلطته على بطني وعلى ظهري وبنفس الوقت اعمل قرفصاء طووولت يمكن ربع ساعه او اكثر جلدي صار احمررر وبعد ماخلصت جبت زيت زيتون ودهنت بطني بحركه دائريه وظهري واكتافي ورقبتي المهم جلست شويا الا احس فيه افرازات زي المويا تنزل بس بسييييطه وماكنت متاكده منها انها مويات وكل شويا على الحمام وكان ظهري شاد عليا وبطني اتحجرت بشكل فضيع المهم رجع زوجي من برى وصار توووت 🙈 ونمت قبل الفجر صحيت على الساعه ٦ رحت للحمام حسيت فيه بللل بين فخوذي اتوقعت انو بول او عشان التوت وانتم بكرامه المهم ارجع لسريري تصحى بنتي رحت البي طلباتها الاحسيت شي نزل بين رجولي رحت للحمام مني عارفه بول او ايش بس شكيت مويات الجنين
شويا اقول لزوجي شكلي ابولد انبسط قال يلا على المستشفى قلت لا وييين بدري شويا يبداء مغص خفيف رجت عند التسريحه ابغى اجيب حاجه الاشويا بدات تنزل مويات بين رجولي وضميت رجولي على بعض من الخلعه 😄
واقول لزوجي قال يلا اتجهزي اوديك ورحت اخذت دش دافي واتجهزت وخلصت تجهيز على ١١الصباح
خرجنا للمستشفى وصلنا المهم نسيت اقولكم رحت وانا كان معايا طلق خفيف بس كان متقارب ١٠ د بين كل طلقتين المهم قالو انتظري تجيك دكتوره وانتظر وجات بعد ربع ساعه يمكن وفحصت اول مره احس بالفحص كذا يالم بس مو مره كنت ببكري مااحس فيه المهم وهيا تفحص قالت دفي الجنين عليا وادف جلست تحوس قالت ولاده ٤سم انا انبسطت خلاص الحمدلله ابرتاح وخلو زوجي يسجل اجراءت الدخول وخلصنا على اذان الظهر طلعوني فوق بغرفة ماقبل الولاده جات الممرضه اعطتني ملابس البسها ولبستها وبتركي التخطيط قلتلها انتظري ابصلي صليت وخلصت وركبت التخطيط وشويا تجي الدكتوره المهم سالتني كم سوال وبعدها فحصت مدخله يدها كلها جوا وتحووس واقولها خلاص 😖 المهم قالت المويات من الكيس العلوي مو كيس الراس فيه ثقب قلتلها كم الان ماشاءالله قالت ٦ سم وقتها تقريبا الساعه١
بعدين طلبت من الممرضه تحطلي حقنه شرجيه وحطتها بعد ٣ دقايق على الحمام الله يكرمكم
المهم جلست شويا استغفر واذكر الله وكان الم محتمل رجعت على ٢ تفحص وتحوس ودخلت عود طوويل نفس عود الايسكريم مدري وشهووو 🤔 قالت خلاص قربتي ماشاءالله ٨ سم من ف***ا زاد الطلق صار مولم واسمع وحده تولد قبلي تصرخ انفجعت واجلس اقول لدكتوره ابغى ابرة الظهر قالت الان خلاص ماتنفع انت جايتنا ولاده قالت خلاص الحين بنوديك غرفة الولاده بس اتدربي من الان على الدفع خذي نفس واذا جات الطلقه ادفعي وانت كاتمه نفسك
يالله احس نسيت كل شي اتوترت
جاتني طلقه واجلس جالسه قالت لا لاتجلسي ماينفع نبض البيبي يقل بالجهاز والله يكرمكم حسيت تنزل مني مويات كثيره خلاص ابولد قلتلها ارتاح كذا ماابغى انسدح وانا اتالم
شويا ياخذوني ويودوني سريع على الغرفه وتجيني طلقه قالو بسرعه اطلعي على سرير الولاده قلت اصبرو تروح الطلقه وطلع على السرير وانسدح ويربطو رجل وتجي هذيك الطلقه واضم رجلي الثانيه قالو لااا بتخنقي البيبي ويمسكو رجلي ويربطوها ومع كل طلق ادفع وموراضي يطلع تعبت وهم يشجعوووني و٣ ممرضات ودكتوره وانا خلاص مافيني طاقه كذا مره ادفع وموراضي يطلع والدكتوره تقولي الولد بينخنق افجعتني لازم تدفعي دفعه مطوله لاتوثقفي وادفع وتمسك المقص وتقص وادفع لم حسيت عيوني بتطلع 😫 واحس بجرح القص ماحسيتهم خدروني كويس المهم يمكن يعد خامس طلقه طلع البيبي بعد ماساعدتني الممرضه ضغطت على بطني بس دفيتها قامت فكت وحده من رجليني وضغطتها على بطني الاشويا البيبي طلع ااااه يارب لك الحمد
مو زي ولادتي قبل ثواني ماشاءالله وطلعت
المهم نجي للمشيمه تسحب فيها الدكتوره مو راضيه تطلع ياااربي قلتلها خلااااص تعبتيني هذي ولاده ثانيه وتسحب وتوقف الى ماخرجتها حسيته بيبي ثاني حجمها كان كبير مو حجم المشيمه اللي ببنتي صغيره سبحان الله ونزلت بسهوله المهم اعطوني مخدر حسيت الدنيا تدور فيا قالت غمضي عيونك الى مااخلص خياطه جابت الممرضه البيبي عندي مني قادره اشوفه دايخه قلتلها شيليه عني مني قادره اشوف والدكتوره تخيط وتحوس ياربي تكتب اجر كل ام
خلصت تقريبا على الساعه ٣ وشي
لم خلصت ودوني لغرفة الملاحظه اتصلت على زوجي بشرته واتصلت على اهلي وبشرتهم ماكانو مصدقين لانهم ياسو من ولادتي مره طولت 😅
كنت حاسه بدوووخه جابولي اكل وخففو الاضائه قالو نامي عشان تروح بس عجزت انام جلست ساعتين وودوني لتنويم جو اهلي وزوجي بعد ماشافو البيبي وجلست ابكييييي لم شفتهم وشفت بنتي معاهم الحمدلله انتهت رحلة وهن على وهن الله يكتب اجر كل حامل ويسهلها ولادتها المهم تفتكرو الالم اللي كان باسفل قدمي بعد الولاده اختفى سبحان الله.






الان معذبني مغص مابعد الولاده كانه طلق اللي تعرف شي يخفف الالم تقولي😣
📍📌طبعا ابقولكم على نقطه التساهيل بيد رب العالمين الحمدلله لكن بما ان ولادتي الاولى كانت على يد دكتور والثانيه دكتوره بصراحه اشوف الدكتور يده خفيففه ولايحوس حوسة الدكتوره كان رايق وانا وقتها كنت هاااديه لان الجو بشكل عام مافيه احد يوترك ويقلقك مثل الدكتوره والممرضات ازعجوني بصريخهم ييون بس يخلصون حتى خياطته سريعه وماحسيت فيها ولاحطلي هذا المخدر اللي دوخني وكانت الغرز قليله كمان ولاحسيت بهذا المغص اللي بهذلني بعد الولاده
حتى كنت اقراء عن التامل وقت الولاده يخفف الطلق طبقته بالبدايه لكن لم دخلت غرفة الولاده ولاجاب حتى نص نتيجه وتروني😐
ثاني شي عندي موعد لبعد الولاده بولادتي قبل مارحت بس هذي الموعد يمكن اروح ابغى اعرف اش يسوو من فحوصات؟ تراجعو بعد ولاداتكم ولالا🤭
وتوووت خلص اكشني معليش احس الكلام على بعض بس ان شاءالله تفهمو حبيت اكتبه لكم بالتفصيل الممل الله يهوون ويسهل عليكم يارب مابغى من مشوار حملكم😘😘
الحمدلله الحمدلله الحمدلله

الحمدلله على السلامة والعافية
ومبارك ماجاك الله يجعله من البارين الصالحين ويقر عيونكم به💙💐