حياتي متلخبطه

السلام عليكم ياحوائيات انا جديده ع المنتدى وحبيت افضفضلكم وابغاكم تدعون لي
انا حياتي ملخبطه فوق تحت مهما سويت مايترتب كل شي
نفسي أعطي زوجي وقته ونفسي وقتها وأطفالي اعطيهم وقتهم بس ماادري. وش المشكله ووين السبب
مع العلم ياحلوين والله اصحى بدري ومايجي الليل الا انام تعباااانه من كثر الشغل
صراحه جانب القرب من الله مرا مقصره فيه من وقت ماتزوجت وانا شوي بعيده عن ربي اتمنى يكون لي روتين ف الطاعه والعباده
شغل البيت والله العظيم انه اشتغل من وقت مااصحى الين ماانام وبرضو البيت مقلوب فوق تحت
اول مااصحى أرتبه يازينه مايمكل ساعه الا انقلب
طيب وش الحل ؟؟
عندي ولدين وبنت لسا صغار
اتمنى تدعون لي من قلب انه الله يردني له ردا جميلا ويحببني ف طاعته وييسر أموري ويسخر لي أطفالي وزوجي

9 تعليق 1,614 مشاهدة

شاركي في النقاش

سجلي الدخول لإضافة تعليق.

التعليقات

7
  1. @mlk_ansan_1

    عليكم السلام


    حبيبتي اذا صلحت صلاتك صلحت باقي حياتك


    البيت اللي يفتقد للدين يفتقد للسكينه والهدوء




    جربي زي ماتقسمي شغل البيت تسوي جدول


    من تصبحين صلي الفجر وأقري أذكارك وشغلي قرآن بعدها كملي يومك سواءً فطور أو شغل البيت


    وكل فرض كذلك أول مايأذن سيبي اللي ف يدك وصلي وبعدها شوفي اللي ناقصك




    الله يفتح ع قلبك ويهديك ويريح بالك
  2. @ampshokty_maashoktyamp

    الله يكون بعونك اختي
    ابذكر لك نصيحة الرسول عليه السلام لعلي وفاطمة رضي الله عنهما عندما شكيا له من مشقة العمل قال : إذا أخذتما مضاجعكما أو أويتما إلى فراشكما ،
    فسبحا ثلاثاً وثلاثين ، واحمدا ثلاثاً وثلاثين ، وكبِّرا أربعاً وثلاثين فهو خير لكما من خادم ) . اخرجه البخاري.

    قال ابنُ القيم ـ كما في الوابل الصيب ـ :
    ( ...من داوم على ذلك وجد قوة في يومه مغنية عن خادم ...)
    (قال شيخ الإسلام ابن تيمية : بلغنا أنه من حافظ على هذه الكلمات لم يأخذه إعياء فيما يعانيه من شغل )
    وفعلا سبحان الله من اخذ بهذه النصيحة وجد البركة في يومه
  3. @mnaryta

    اهم شي صلواتك خليها اول الاعمال تسوينها وطول ماتشتغلي سبحي عشان تاخذين اجر التسبيح
    واذا تقدرين جيبي شغاله بالساعه تشيل عنك البيت وانتي تتفرغين لأطفالك ونفسك وزوجك
  4. @reemalihm

    عزيزتي الغاليه الحل بيدك خلي طاعتك وعبادتك خط احمر الفروض في وقتها وبعدها السنن والوتر خلي تقويه ودعاء ومناجاءة للرب متعه والله لوجربتيه تندمي على عمرك ضيعتيه من غيرها صدقيني الدنيا زائله ثانيا استثمري في اولادك خلي علاقتك فيهم قويه اولادك اهتمي فيهم وفِي نفسايتهم والعبي معاهم وعلميهم وغذيهم كويس خلصنا من اهم الخطوات نفسك حاولي تدلعينه أبدا لاتهملي ها الشغل اشتغلي بنفس تكوني نظيفه ومرتبه افضل يكون في أليل من بعدالعشاء زي غسيل الحمامات الله يكرمك والغرف مري عليها مع الصالات كنس بالكهربايه والمسح انا افضل قبل ماتصلين الفجر اوبعد خصصيه فقط لمسح البيت عشان مستحيل تقدرين واولادك صاحين اشتري غساله اوتوماتيك وغسالة مواعين نص الشغل يشيل الشغل العميق خصوصي ساعات في الاسبوع الله يقوينا ويقويك
  5. @looly88_1

    اللهم يامقلب القلوب ثبت قلبها على طاعتك
    اسال الله ان يبدل حالك الى حال افضل مماتتمنين

تابعي تجارب أخرى من هذا القسم.